[عايض بن صالح]

السلام عليكم ورحمة الله وبركاته

اسعد الله مساكم/صباحكم بكل خير وعافيه

اليكم هذه القصيده التي القيتها في حفل الشيخ سالم محمد خلف امير قرية البدع

بمناسبة افتتاح مركز بدع بن خلف

لعلها تحوز على رضاكم..

ياسلام الله على حفلاً دعانا اميره=والسلام لكل مسلم لاحضر عنوانه
مرحبا ترحيب صادق بأسم امير الديره=بالنيابه عن سعادة حضرته واخوانه
بالضيوف وفي كبير المجتمع وصغيره=في مكاناً بان نوره وانخزا شيطانه
نستمد العون باللي ماعبدنا غيره=الله الوالي ولا غيره ولي سبحانه
يابن سبع الليل ياريف الخوي والجيره=يالكريم اللي يرحب لالفو ضيفانه
من ثقتنا فيه جينا والافود مغيره= ومن ثقات ولات الامر اصبح علم بوطانه
من كسبها طيب من صغره كبر تقديره=شارب الماء من جبا الطيه على ذرعانه
ماكسبها من تحت كم البشوت وغيره=وارثاً ورث الفخر والطيب من جدانه
والده معروف سبع الليل طيب سيره= حافض التاريخ واد البدع مع شيبانه
كم سرى ليل الدجا من فوق ضهر بعيره=يوم بعض الناس في مسراه فكره خانه
ماتعدى حدودها من مامعه تاشيره=لو كرب سرجه بحبله فوق ضهر حصانه
لاحتمى الميقاف الاسود مايرفرف طيره=كل واحد عارفاً قدره وعارف شانه
اركدي يااهل النفوس اللي تكن الغيره=انتها تاريخ درب مسلسل التبانه
عبس ماهي لعب كوره شوته وتمريره=عبس ضربة راس توجع خصمها واعوانه
علم اللي في خلايا مخها تحجيره=لاتهور والطريق مسكره بيبانه
مابقى قدامها لفه ولاتدويره=واقعاً تعيشه العالم بكل الوانه
والكتاب اللي على محمد نزل تفسيره=يقتديبه كل رجالاً قوي ايمانه
والحكومه كلها للشعب خير وخيره=عيش ياراع الركايب بمنها ومانه
العدو مدحور تدبيره على تدميره=الله انه لايعز الشله التعبانه
من صدع صف الجماعه وانحرف تفكيره=صار بين المجتمع منبوذ ماله خانه
الله انه من هذا يحمى الوطن ويجيره=الكيان اللي على التقوى بنى سيسانه
وانت ياسالم ياراعي حفلنا واميره=كل شاعر جاد فيك الشعر صح السانه

الموضوع الأصلي: مســـــــلســــــــل الــــتــــبـــــــانــــــــه | | الكاتب: عايض بن صالح | | المصدر: شبكة بني عبس

[كاتب الرشيدي]

صح لسانك يابو صالح

قصيدة جزله وهذا ماهو غريب على عايض
عادته الجزلات

ويستاهل بن سبع الليل

بيض الله وجهك

[مظلوم بالحريه]

صح للسانك يابو صالح على هالقصيدة الجزله
والشيخ سالم يستاهل المدح والطيب الله يجعل فيه الخير والبركه

[عويض بن شامان بن خلف]

ابوصالح صح للسانك
جزل ولايجي منك لاجزل
بيض الله وجهك وابومحمديستاهل للجزل والشموخ مثل هذه القصيدة الشامخ صح للسانك وعلاشانك

[العله الصرما]

صح لسانك ياعايض بن صالح قصيدة جزل من راس جزل واللي قيلت فيه راس جزل

ارجو تثبيت القصيد باالاعلى لمدة شهر لانها تستاهل ذلك من شاعر في رجال كفو

[سلمان]

من كسبها طيب من صغره كبر تقديره
شارب الماء من جبا الطيه على ذرعانه

من كسبها طيب من صغره كبر تقديره

شارب الماء من جبا الطيه على ذرعانه

من كسبها طيب من صغره كبر تقديره

شارب الماء من جبا الطيه على ذرعانه

هذا والله الكلام صح الله لسااانك

[اخو جوزاء]

صح السانك وبن سبع الليل يستاهل

[العميل السري]

اركـدي يااهـل النفـوس اللـي تكـن الغـيـرهانـتـهـا تـاريــخ درب مـسـلـسـل الـتـبـانـه
عبس ماهـي لعـب كـوره شوتـه وتمريـرهعبس ضربة راس توجع خصمها واعوانه
عـلـم الـلـي فــي خـلايـا مخـهـا تحـجـيـرهلاتــهــور والـطـريــق مـسـكــره بـيـبـانــه
مـابــقــى قـدامــهــا لــفـــه ولاتـــدويـــرهواقـعــاً تـعـيـشـه الـعـالــم بــكــل الــوانــه

صح اللســـــــــــــــــانك مدد بلا عدد

شامخه بشموخك لاهنت ابدعت ووفيت

وابو محمد يستاهل

ابيض وجه
ولاهي غريبه تحريبها طال عمرك