[سمسم]

السلام عليكم ..

اسعد الله اوقات الجميع بكل خير ..

الحياة تجارب وتبادل للخبرات ..

.. والكل منا يحاول ان يبحر بسفينته مقاوما ً كل عاصفه تعتريه ..
ولهذا السبب ..

نقلت لكم هذا الموضوع ..

احببت ان ارى ارائكم ..

ومنكم نستفيد ...
الموضوع :


يرن جوال ساره..

ألو..

هلا.. هذا جوال ساره (صوت ذكوري ماتعرفه)

لا غلطان...
طيب نوره....

:: طوط :: تقطع الخط بوجهه

((جاب اسمي مجرد صدفه!! ،، او لان الجوال باسمي!! ،، يمكن يعرفني ،،

اذا دق مره ثانيه بتصرف معاه!! )):




دانه جالسه بالصاله مع اهلها.
يرن الجوال برقم غريب..
خذ يا أحمد <~أخوها الاكبر_
رد على جوالي رقم غريب ماعرفه،،
الو.....
هلا....
فيه أحد داق على جوالي!!
يغطي أحمد السماعه بيده،، دانه انتي داقه عليه!!!!
لا والله مادقيت!! ولا بالغلط حتى
((جوال دانه استقبال!!!!!!))
يعود للمكالمه
هلا متى دقينا على جوالك
ــــــــــــــــــــــــــــــ ــــــــــــــ
ما شالله والساعه ست ونص!!
ــــــــــــــــــــــــــــــ ـــــــــ
لا محد داق يالنصاب ياللي فيك ومافيك
يا............ تلعب على بنات الناس
فيك خير تعال قابلني
الله ياخذ....الله.......
ويسكر أحمد ودمه يغلي ويبدى يرغي ويزبد
كم مره دق!؟
قد دق عليك أحد غيره!!
((دانه تهوجس،، ليتني ماعطيته،،

ضيقت صدره على شي مايستاهل!!! ونكدت قعدتنا ع الفاضي!!)):

سديم في السنه الثانيه الجامعيه دق جوالها برقم غريب ت

طالعه بريبه أرد والا ما ارد،،

سديم::هلا..

....:هلا قلبي..

قلبك مين ياقليل الادب يالي ماتستحي يالي.. يالي.. الخ،،

...:أموت عـ المعصبين أنا
كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
أهلين
انت ماتقول لي وش تبي!! ياخي قلت لك ماني راعيه هالحركات ،،
ماعندك اخوات انت!! ماتخاف من ربك!!
>> يدخل ابوها بعد ما سمع صراخها>>
( اقفلت الخط خلسه)
سديم:وحده من صديقاتي!!

نامي يابنيتي ولا تكلمين باخر الليل

يقطع كلامه صوت جوالها يرن

اخذ ابوها الجوال:

هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .
((تنهار اعصاب الاب،، تنهار ثقه الاهل،،
يدخل الاب المستشفى من التعب،، وتحرم سديم من الدراسه ومن كل شي

لين يجيها عريس الغفله!!!))::

جوال سميه دايم سبيل!!

مره بالصاله يلعبون فيه اخوانها،، ومره تاخذه اختها تصور،، ومره،، ومره ،،

نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
..............................
الو.. الو.. ( صوت ذكوري لم تألفه )
..............................
هيه ردو.. أكلم صنم انا !!

..............................


وترمي الجوال على الكنبه،، وتخلي السماعه مرفوعه وتكمل حياتها عادي...

واخونا في الله ينتظر احد يرد عليه،
، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقه وكثره اللغي،، وشوله اقول لابوي،
اخوي،اخسّر الي يدق وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))::

ساره / دانه / سديم / سميه / .. وكل البنات!!

يومياً تصير مثل هالمواقف!!


عزيزتي الفتاهـ / اخي الشاب ،،،

في مثل هالمواقف..

* برأيكـ /ي وش التصرف السليم؟!

ترد! تحقر ! تعطي ابوها او اخوها!

*ماهو ردّ فعل ( الاخ / الاب ) في مثل هالمواقف؟!

*دق أحد يعرفكـ بالاسم وش بتسويـ /ـن؟!

*برايكـ لو كنت مكانه لاقدر الله وش الاسلوب الامثل
اللي يفكنا منك عشان ماعاد تدق!!؟

اخيرا ً

هذه مساحه خاصه لمن اراد الاضافه ...

.............................. .............................. .......

.............................. .............................. ........
لكم كل الود ...!

الموضوع الأصلي: الجميع مطلوب .. ودق الجوال | | الكاتب: سمسم | | المصدر: شبكة بني عبس

[أثير الشوق]

السلام عليكم
شكرا لك على الطرح
رايي ان عدم الرد على الارقام الغريبه هو الحل الامثل لذلك تم وضع خدمة كشف الرقم بالتالي التجاهل هو الطريقه السليمه ...حتى لو وضعنا في الحسبان انها ممكن ان تكون مكالمه من شخص قريب فخدمة الرسائل تاكد اهمية الاتصال ...
تقبل مروري

[ثامركو]

ســــــــــــــــم ســـــــــــم

[سمسم]

اقتباس من مشاركة أثير الشوق السلام عليكم شكرا لك على الطرح رايي ان عدم الرد على الارقام الغريبه هو الحل الامثل لذلك تم وضع خدمة كشف الرقم بالتالي التجاهل هو الطريقه السليمه ...حتى لو وضعنا في الحسبان انها ممكن ان تكون مكالمه من شخص قريب فخدمة الرسائل تاكد اهمية الاتصال ... تقبل مروري

وعليكم السلام
الله يعطيك العافيه
وفعلا مثل ماقلت تعتبر طريقتك طريقه مثلى
بوركت ع التواجد

[سمسم]

اقتباس من مشاركة ثامركو ســــــــــــــــم ســـــــــــم

اسعدني تواجدك

[مرآهيش]

اي رقم غريب مآآرد عليه وبس

[الفارس العبسي]

وعليكم والسلام ورحمة الله وبركته

فعلاً موضوع كبير جداً وخطير ويتفرع إلى عدة موضيع أتفق مع الأخوان إنا عدم الرد هي الطريقه الأمثل...

حتى لو كان قريب في الأمكان إرسال رساله
أنا فلان

ودي وتقديري

[عبدالسلام عارف]

يعطيك العافية سمسم ........... والمشاركين والمشاركات
موضع جداً رائع

عدم الرد على اي رقم غريب .........
اذا طالت السالفة وبداء يزعج يغير الرقم ؟؟؟؟؟؟؟؟؟؟
او يقدم شكوى على الشركة التابعة لها الرقم """""""""""

اذا كان العكس .... المزعج امراءة
بتصير سااااااااااااااااااااااالفة