[العميل السري]

اخواني عندما كنت اقلب بعض اوراق شاعرنا حمود البراهيم
وجدت بعض الرديات له مع كثير من الشعرا
استوقفتني تلك الرائعه واصريت على نشرها
ولم يوافق الا بعد الحاح مني ومن بعض الموجودين وقتها
وكانت الرديه بينه وبين الشاعر ابو قالط وقد منعني من ذكر اسمه كامل
لانه حرام تبقى مثل تلك الدرر حبيسة الدروج
اتترككم تستمتعون وتعطوني رايكم عسى ينشر الباقي

ابو قالط (ح ن)

عزي لحالي من افراق الضحى اليوم .. يومٍ كلٍ شال عفشه وقفا
قفاء وانا كني على الوجه ملطوم .. ماغير اطلع موتره لين هفا
اقفوا وصار افراقنا اليوم مقسوم .. والبيت من بعد الحبيب مطفا
وعقب الفراق امسيت ماقبل حلا النوم .. والقلب من حر الفراق استخفا
لومي على حظي وهو مالقه لوم .. حيثٍ حظي مع شفاء البين شفا
ياول ياحظٍ منه صرت محروم .. صار العوض به صفق كفٍ بكفا
ماغير اجر الصوت في كل ملموم .. وابدع من اللحاني قوافي على افا
وأشكي على اللي من رجاجيلٍ قروم .. نعم الصديق اللي اليا قام كفا
ياحمود صندوق الظمائر به ثلوم .. من حب شخصٍ وسط قلبي مخفا
ابو جديلاً فوق الامتان مردوم .. حلو النباء مثل الجنيه المصفا
ياحمود زي اصخيف الروح معدوم .. عندي وكلٍ له مراماً وشفا
قدام عيني صورته دايم الدوم .. وحطيت له في وسط قلبي ملفا
وسجلت لذكرى علامات ورقوم .. في ليلةٍ فيها اصبح الوجه غفا
ولا يابو ماهر ماوصل عنه علوم .. مدري عنه هو حي ولا توفا
------------------
رد ~ ابو ماهر حمود البراهيم

هات القلم وكتب على سطر مرسوم .. ابيات شعراً لـ ابو قالط تزفا
يامرحبا باللي من البعد مظيوم .. واهلاً هلابك عد طيراً يرفا
ترحيب وافي بالمواقيف زيزوم .. وياحي والله ماكتبته على افا
يشكي من الفرقا ويشكي من اللوم .. ويلوم حظٍ كل نوره مطفا
لا يابو قالط كل شئً واله يوم .. والبعد مايثني حبالاً توفا
وطيراً بلا جنحان ماوالله يحوم .. وشئً تشوفه وشي عنك يتخفا
وانا عتقد ماينفع الهرج واللوم .. ولا ينفع الا يــمـ داره نهفا
اوصف للي الديره ولو دونه حزوم .. لو ان من دونه بحوراً تكفا
ملزوم اجيب اخبار خلك وملزوم ..اقف على عظم القدم ماتعفا
واليا وصلته يصبح الامر محسوم .. نبداء بها بالطيب من دون لفا
وان مانفع وضح النقاء وحبة خشوم .. خشم الريال يطوع اللي تشفا
وان كان مابانت نتيجه مع القوم .. أمر وانا ويــاك صفاً بصفا
مرخص معك حالي ومالي عن اللوم .. حتى حبالك من حباله توفا

وســـــــــــــــــــــــــــلامتـــــــــــكمـ

الموضوع الأصلي: شاعر يعلن فتح باب القبول والتسجيل ....اسرعوا | | الكاتب: العميل السري | | المصدر: شبكة بني عبس

[مداروفلك]

يعطيك العافيه يالعميل والله بدع ورد لايعلى عليه

ابو قالط ماعرفه بس واضحه شاعريته وبقوه
ولكن حمود البراهيم مبدع في كل حالاته
اسحب الباقي ان امكنك ولا عليك عندي
وش عنده مقفل عليهن هههههههههههه

[العميل السري]

شكرا مدار وفلك على المرور العطر
وابشر بحاول قدر الامكان

[العميل السري]

شكرا مدار وفلك على المرور العطر
وابشر بحاول قدر الامكان

[مرآهيش]

رديه رآئعه

صح ألسنة شعارها وسلمت يمناك ع اتحافنا بهالرائعتين

ولكن كبر الخط تعبت وانا أقرآ وربي

[عويض بن شامان بن خلف]

صح ألسنة شعارها وسلمت يمناك ع اتحافنا بهالرائعتين


يالعميل السرى يا -كبرالخط للفائدة

[رائد الذيابي]

صح لسان شاعرها وسلمت يمينك

[فـدعة بني رشيد]

اقفوا وصار افراقنا اليوم مقسوم .. والبيت من بعد الحبيب مطفا
وعقب الفراق امسيت ماقبل حلا النوم .. والقلب من حر الفراق استخفا

روووووعـه هالبيتين ..!!



صح لسسآن من قآل .,

وتسسلم يمينك ., يآلعميل السسري .,

تقبل مرووووريء ., ..!