[شاعر الحجاز]

اعزائي الكرام بهذا المنتدى الشامخ سلام من الله عليكم ورحمة منه وبركه وصبحكم الله بالف خير انا ابختصر الموضوع وبقوللكم اللي بخاطري بدون مقدمات انا شاعر توي جديد وتوي داخل ساحات المحاورات ولعبت مع عدد من الشعار وتعرفون الشاعر الجديد يبحث عن المحاورات والفتره هذي فترة صيف ياكلون الجو علينا الشعار الكبار فتكون الحفلات اللي نعزم فيها قليله جدا لاتكاد تذكر الا عن طريق معرفه ومثلكم عارفين لذلك نبحث عن ممارسة غرورنا الشعري بالمنتديات والمجالس والخ

وانا صديقي رشيدي يدري اني اكتب بالمنتديات واشارك فدلني عليكم وقال فيه شعار ممتازين تقدر تلعب معهم مثلهم مثل المنتديات الثانيه كالنداوي والمرقاب ومنتديات القبائل الثانيه في حال كونك فاضي

على العموم انا دخلت الفكره براسي ولي حدود الشهر ادخل واتابع المحاورات وخصوصا اللي مكتوب لهم شعار حتى مااكثر البحث بدون فائده واتعب زياده فاقتصر بحثي على اللي مكتوب لهم شعار


فلفت انتباهي عدد من الشعار اتمنى منهم انهم يحققون رغبتي ويلعبون معي على شرط تكون البدايه عندي ويكون محاوراتي كل اثنين معهم حتى اجني اكبر فائده وانا كما قلت لفت انتباهي كثير من الاسامي ونقيت بجهد وعنايه واخترت خمسة اسامي بس ولاهو قصور بالباقين يمكن افضل من اللي نقيت لكن عاد هذي نظرتي ورغبتي

وهم كالتالي

1_ صياف

2_ خاتم سليمان

3_ وضاح اليمن

4_ بعيد الهقاوي

5_ ابو عوجه

فاتمنى منهم ان يردو علي باسرع وقت بالقبول وانا ممتن للي يقبل ومارايح ازعل من اللي يرفض لانه من ابسط حقوقه

ودمتم: اخوكم شاعر الحجاز

الموضوع الأصلي: اتمنى ان العب مع هولاء الشعار | | الكاتب: شاعر الحجاز | | المصدر: شبكة بني عبس

[صياف]

هلا حياك الله في منتدا عبس صياف متواجد اغلب اوقاته ,,,,,, ان شاالله تفيد وتستفيد

[السيف القاطع]

اخوي شاعر الحجاز هولا شعرا عمالقه بدون امجامله والمفروض انك ما وضحت انك توك مبتدي

علئ شان تقدر تلعب معهم ولاكن من كلامك كل شي واضح تقبل تحياتي

[النقيشى]

ياهلا اويامرحبابك وانت شاعر لومنت كفو ماخترت كبار شعراء المنتد

[فهاد الرشيدي]

ياااااااااااااااااااااهلا

[سعود العرعري]

با النيابه00 حياك الله ياشاعر الحجاز بين زملاك المنتدى منتدى الجميع الف هلا0

[عنتر زمانه]

يسعدنا تواجدك بيننا

والكل هنا شعراء لا يقل مستواهم عمّا ذكرتهم

ونحن في قلعة المجد والتاريخ ونرحب بالجميع لذا من الواضح انك متابع وتمنيت أنك عرفت بأسمك وقبيلتك لكي نتمتع بالشعر بينك وبين العمالقه ..

ولك تقديري

[االبواردي]

ارحب يلحجازي في ميدان المعارك

يشاعر الي قلت من دار الحجاز ------- يابو ثلاث نيات ملويه

افهم علوم ارجل باللغاز ---------- خطتك مربوعه ومثنيه