[اخو عبده]

ياضلع فوق الارض ثابت على ساس
شامخ ولاهمك هبوب العواصيف
يامزبنن لذيب في لليل الاتعاس
لاصار دون الي يريده محاويف
يومه رقب شافوه ونكف بلفلاس
ومدو عليه مشطات السراجيف
يامزبنن للي من الهم منحاس
ياضلع لامن جاك فل المظاريف
بيحلك الخافي بزفرات الانفاس
ونسيمك يضمد اجروحن مراعيف
ياضلع جيتك يوم كفني الياس
بلي ذخرته قبل وقت الصواديف
ياضلع ماجيتك ترى تبري الباس
انته جماد ولاتذري عن الحيف
مير الله الي ميزك دون الاجناس
خلاك لهموم الملاويع تصريف
ياضلع باقيلي عوض بين هناس
واحد ولاغيره يذل الملاقيف
الي على النمات دقو بلاجراس
يبون رد المبحره لاخر السيف
لكن هبو حنا هل الدر والطاس
وحنا هل الوقفات والخيل والسيف
وحنا عيال الي له الطيب نبراس
مكرم العانين والجار والضيف
الي بنا بيته على روس الاطعاس
وسطر على ناره دلالن مهاديف
ولي بغينا دونه ارياق يباس
لكن تران ماحسبنا التكاليف
اليا بغينا لوعلى حد الامواس
نصله ونجيبه.....وختم السواليف
عزومنا تقوى على كثر الانجاس
الي علينا زودو هرجت الزيف

الموضوع الأصلي: يياضلع | | الكاتب: اخو عبده | | المصدر: شبكة بني عبس

[كاتب الرشيدي]

القصيدة بها اخطاء املائية تحول دون بعض النقد



من الملاحظات
1. الي بنا بيته على روس الاطعاس البيت مايبنا على راس الطعس
2.ونسيمك يضمد اجروحن مراعيف النسيم للهوى وليس للضلع نسيم

وانا على عجاله فيها ملاحظات لكن لي عوده بإذن الله

والأخوان مايقصروون وهذي وجهة نظر ليس نقد

القصيدة لاتخلو من بيوت جيدة

[العميل السري]

ولي بغينا دونه ارياق يباس
لكن تران ماحسبنا التكاليف
اليا بغينا لوعلى حد الامواس
نصله ونجيبه.....وختم السواليف
عزومنا تقوى على كثر الانجاس
الي علينا زودو هرجت الزيف


يعطيك العافيه وكفووووووووو
قصيده تحمل عبق البداوه معبره عن تجربه حقيقيه بعتقادي
لك تحياتي

[مرآهيش]

مآ شآء الله عليك يآآخو عبده

أنا مجرد متذوقة والآسآتذه فيهم خير

صح لسآنك

[خالد العجوني]

صح السانك يا اخووي ابو عبده على القصيدة الجزلة


تقبل مروري ..........

[الشبيح 404]

صح لسانك ابو عبده وقصيده رائعه وكفو والله