[الفيلسوووف]

بسم الله الرحمن الرحيم

اول محاولة شعرية في شعر النبط.....على عجالة

عسى الله يصبرني على غيابك اسبوعين=لو إني على فرقاك ماعاد يمديني
تولعت بك واخذت قلبي وأنا مسكين=لو أشوف حتى دمعة الطير تبكيني
مسا الخير ياعطر الحياة وقرار العين=مسا الخير يانبض الوجود بشراييني
مسا الخير ياصوتٍ صداه بسموعي دين=مسا الخير ياروح القصيد بدواويني
مسا الخير مازينت فيك الزمان الشين=مسا الخير مافكرت بك بيني وبيني
مسا الخير ماسهرت عيوني لعينك لين=غفا الليل واستنحى وأنا ماغفت عيني
عليك المشاعر مستميته ونار البين=تحملت منها بعدك اللي يكفيني
تخبر الظلام اللي تركني قبل عامين=بعد غيبتك ما غيره أحدٍ مخاويني
منول تسلي خاطري ياملاك الزين=وهالحين ماني عارفن من يسليني
ولكن عسى الله يجمع الشمل بين اثنين=لو إن الفراق بنار الأشواق كاويني
ولا في يدي غير انتظر طيلة اسبوعين=..وصبرٍ جميل..وياعسى الله يقويني

وسلامة اعماركم

الموضوع الأصلي: عسى الله يصبرني ,, أول محاولة للفيلسوووف.. | | الكاتب: الفيلسوووف | | المصدر: شبكة بني عبس

[فضي البراك]

الفيلسوف ..

رائع ..

تسلم ..

[برق الوسم]

فيلسوف .. الشعر ..
صح الله لسانك .. من اروع ماقراءت .. وسجل اعجابي ..
محاوله تستاهل الختم .. لاتحرمنا من جديد محاولاتك الشعريه ... نحن بالانتظار ..
لاهنت ... وتحياتي لك ..

[كاتب الرشيدي]

الفيلسوف

محاوله رائعة

عليك المشاعر مستميتـه ونـار البيـن .. تحملـت منهـا بعـدك اللـي يكفينـي
تخبر الظلام اللي تركني قبـل عاميـن .. بعد غيبتك ما غيـره أحـدٍ مخاوينـي

صح اللسانك

[ناصر الرشيدي]

حرام عليك

ليه ما تذيلها بإسمك الحقيقي

والله انها وافيه و تشرّف

صح لسانك مليووون

بالفعل اعجبتني

.

[مرآهيش]

اقتباس من مشاركة الفيلسوووف مسا الخير ياعطر الحياة وقرار العين=مسا الخير يانبض الوجود بشراييني مسا الخير ياصوتٍ صداه بسموعي دين=مسا الخير ياروح القصيد بدواويني مسا الخير مازينت فيك الزمان الشين=مسا الخير مافكرت بك بيني وبيني مسا الخير ماسهرت عيوني لعينك لين=غفا الليل واستنحى وأنا ماغفت عيني

مسآء ك ...شعر

صح لسآنك ....مليون

وبانتظآر معآنقة قصيدتك القادمة بكل شغف

[** لؤلؤه **]

الفيلسوووف
أبدعت تسلم أناملك الملونه
شكلكم في الأخير بتخلوني أتعلم الشعر
لا تحرمنا من جديدك أخوي
تحياتي لك

[قسورة الغاب]

اقتباس من مشاركة الفيلسوووف بسم الله الرحمن الرحيم اول محاولة شعرية في شعر النبط.....على عجالة عسى الله يصبرني على غيابك اسبوعين=لو إني على فرقاك ماعاد يمديني تولعت بك واخذت قلبي وأنا مسكين=لو أشوف حتى دمعة الطير تبكيني مسا الخير ياعطر الحياة وقرار العين=مسا الخير يانبض الوجود بشراييني مسا الخير ياصوتٍ صداه بسموعي دين=مسا الخير ياروح القصيد بدواويني مسا الخير مازينت فيك الزمان الشين=مسا الخير مافكرت بك بيني وبيني مسا الخير ماسهرت عيوني لعينك لين=غفا الليل واستنحى وأنا ماغفت عيني عليك المشاعر مستميته ونار البين=تحملت منها بعدك اللي يكفيني تخبر الظلام اللي تركني قبل عامين=بعد غيبتك ما غيره أحدٍ مخاويني منول تسلي خاطري ياملاك الزين=وهالحين ماني عارفن من يسليني ولكن عسى الله يجمع الشمل بين اثنين=لو إن الفراق بنار الأشواق كاويني ولا في يدي غير انتظر طيلة اسبوعين=..وصبرٍ جميل..وياعسى الله يقويني وسلامة اعماركم

وانت سالم
يـــافيلسووووف .. الشــعـــر ..
اثريك منت هويّن .. صح الله لسانك ... وسجل اعجابي ....
من اروع ماقراءت ... لاتحرمنا من جديد محاولاتك الشعريه ... نحن بالانتظار ..
لاهنت ... وتحياتي لك ..