[فضي البراك]

أبن المطوع مات مع درب مجمول=عطشان في راس أبرقٍ نايفٍ عال
لكن سواتي مابعد عاشها زول=ولا قد .. سمعت لها مع أهل الهوى أمثال
عايشتها عمري ثلاثة عشر حول=أو هو يزيد عن الثلاثة عشر حال
أنا صغير وناحل الخصر مدلول=سبع وثلاث معديتني ورا الجال
الفرق عشر فيهن أرياف ومحول=فارق هوانا فرق راحل ونزال
صبرت عل الصبر يندار بحلول=وحمل العنا عن بايد الحيل ينحال
ونويت أكسر حاجز الصمت وآقول=أما طمع وإلا مناكيف وأجزال
واجهتها خايف وسايف ومذهول=وأخبرتها بالحال عن خافي الحال
واجهتها من راس ماأرسلت مرسول=وردت بعلم ماخطر لي على البال
قالت : وأشافيها تفرق على اللول=توك صغير ولا بعد صرت رجال
ليا أشتد عودك وأصبح الزند مفتول=ومشيت مابين المناعير تختال
يمديك تلقى من يسليك بدلول=ويحط لك بأقصى خفاياه منزال
وأقفت يلحفها من الليل مجدول=ماغطته عن ناظر الطفل بجلال
أقفت وأنا في ماقف الياس مخذول=مفلس فلاس مضيع الجاه والمال
مشيت وجرحي في خفاياي مشيول=نوب يهيض ونوب يلتف بسمال
لا طاب من مابه ولا مات مقتول=وأصبحت في رجوى قبالات وهبال
جرح يزوره ساري الطيف محمول=على متون الليل في مهمه اللال
هذا جواب اللي عن الناس معزول=عزل الجبال الصم عن جرد الأسهال
وأتلى الجواب من المساهير هملول=تهدى لهاك الزول من بد الأزوال

الموضوع الأصلي: عايشتها عمري ثلاثة عشر حول | | الكاتب: فضي البراك | | المصدر: شبكة بني عبس

[(الفارس)]

الله الله عليكـ يافضي البراك

صبرت عل الصبر يندار بحلول=وحمل العنا عن بايد الحيل ينحال
ونويت أكسر حاجز الصمت وآقول=أما طمع وإلا مناكيف وأجزال

صح السانك على هذا القصيدة الراااائع حــياتي لكـ

[برق الوسم]

13و23
الله يعينك ياابن المطوع ههههه
//
روووعه .. لاهنت ابوفيصل ع النقل ..
تحياتي لك ..

[سالم الرشيدي]

صح لســانك واع ـتلا شانك
ج ـزله ووافيه
ولاهنت يافضي على نقلها لنا

[سند الداموك]

قصيده راااااااائعه قرأتها عدة مراات لجماالها

شكرا لك فضي ولاهنت

[كاتب الرشيدي]

من ذوقك الراقي ومن فعل يمناك
ماتجيب الإ الجزل يابو فيصل

[فضي البراك]

اقتباس من مشاركة (الفارس) الله الله عليكـ يافضي البراك صبرت عل الصبر يندار بحلول=وحمل العنا عن بايد الحيل ينحال ونويت أكسر حاجز الصمت وآقول=أما طمع وإلا مناكيف وأجزال صح السانك على هذا القصيدة الراااائع حــياتي لكـ

شكرا مدد بلاعدد على هالنور بالمرور

[ابو حمد ابن عايضه]

فضي البراك/ قصيده رائعه وتاريخها منذا العصور الجاهليه ايام الحب الحقيقي

والقلب الصادق والحب القاتل .دائما اختيارك يتعايش مع معانات الاخرين

اشكرك مره اخرى وياليت ذكرت من قائلها.


تقبل مروري

يمديـك تلقـى مـن يسليـك بـدلـول

ويحـط لـك بأقصـى خفايـاه منـزال