[** لؤلؤه **]

موضوع حبيت أطرحه وأبي التفاعل للاستفاده

في العاده تقول الأم لبنتها لما تتزوج أنتبهي لاتتسرعين في شي لما تعرفين شخصيه زوجك عدل عشان ماتغلطين وينتهي بهواش

كثير نسمع بهذي النصيحه على ما أعتقد

أبي كل واحده أو( واحد )مافي مشكله إذا شاركتو معنا ^_^

تكتب صفات مختلفه للرجال في شي مخصص عشان نساعد غيرنا في كيفيه التعرف على شخصيه الرجل الي قدامنا *أوكي*

الفروق الأولى أنا راح أطرحها وهي في أهم شي عند المرأة (لما تطلبين شي من زوجك)

النوع الأول من الرجال مايعطي شي الا إذا كررتي طلبك عليه يعني قعدتي على قلبه تحنين وفي الاخر يطفش ويعطيكي الي تبين

النوع الثاني مايعطيكي الي تبينه الا إذا وسعتي صدره يعني سويتي كل شي يرضيه وبعدها أطلبي وتدللي

النوع الثالث مايعطيكي الا إذا سوا محضر يعني قعد يسأل الين يعرف وشو له وش بتستفيدين وكل شي من هذا القبيل فكوني مستعده وحضري اجابات من قبل لأنه بالغصب راح ترضينه ويمكن تطفشين وتهونين اذا انتي مو متعوده

ونوع رابع يعطيكي كل الي تبينه بس أطلبي وهذا نوع تقريباً بينقرض على ما أعتقد لأن كثير مايستاهلونه

تحياتي للجميع عطوني فروقكم بليز أبي تفاعل

الموضوع الأصلي: كيف تعرفين شخصيه الرجل الي قدامك | | الكاتب: ** لؤلؤه ** | | المصدر: شبكة بني عبس

[** لؤلؤه **]

ليش مافي تفاعل بنات ماعندكم خلفيه او نضره للرجال
شباب ابي ردودكم بعد
تحياتي للجميع

[سلمان الزبني]

موضوع روعه يعطيج العافية اختي على الموضوع

تحياتي لك

[** لؤلؤه **]

أنواع شخصيه الرجل من حيث (( البيت وهم الشغل ))

· منهم من يأتي إلى المنزل ويرمي بهمه إلى زوجته بحيث إنها تحمل الهم معاه وهذا النوع يحوّل الحياة الزوجية إلى حياة هم ونكد

· ومنهم ما يشكي إلى زوجته همه لأكن يحط حرته في أهل بيته

واذكر قصه واحده كانت مجهزه لزوجها مفاجئه ولما فتحت له الباب وتبي تستقبله بابتسامه بس هو الله يهديه تفل في وجهها ليش لأنه كان معصب ومتضايق من شغله
بس تدرون وش كانت رده فعلها (مسحت بيدها على وجهها وقالت يا زين هالاستقبال بالمطر إلى برد علي)
وبعدها ما صار لزوجها وجه يناظر فيها وما قدر يحط عينه بعينها لأن رده فعل الزوجة كانت حسنه وهو غلطان
النوع الثالث وهو أحسن نوع لاستمرار الحياة الزوجية يرمي همه في الشارع قبل ما يدخل البيت ويستقبلونه أهله وهو مستأنس ولا كأنه كان متضايق من شي

[عبدالرحمن العرعري]

ههههههههه

تهجم واضح ...لآدم .. هذة ليست شخصية ... أنتٍ أخذتيها من جهه واحدة عند طلبه الأشياء ...

.... عموماً ننتظر بقية ...

و حتماً سيكون للحديث بقية .. يا حواء ok

[إخلاص]

لي عوده عزيزتي ..

[أسايرها تعاندني]

هذا النقاش موجة بشكل كبير للمراءة فأتمنى أن يشاركن الخوات
بهذا الموضوع المهم جداً ....وبعدها ربما يكون لي عودة
وشكراً لك يالباحثة الصغير التي فوق السحاب ..دام طرحكِ وإبداعكِ

[*عنزيه وأفتخر*]

موضوع جميل تسلمين