[سالم الرشيدي]

دليل المحبه شوف عيني عليـك تغـار
ولاودي الحاسـد عيونـك يطالعـهـا

مع إنك رحلت بعيد لكن بقى التذكـار
لياشافتـه عينـي تسابـق مدامعـهـا

دفنت الغرام بخافقي والقلوب أسـرار
مشاعرهقيـت إن الليالـي تضيعـهـا

فرحت برجوعك ماطلبت لخطاك اعذار
ونفسي نست ماجرى مـن تواضعهـا

تهادت مشاعرخاطري لك بـلا معيـار
تجاهلتهـا لوكنـت خابـر دوافعـهـا

يقولون جنّب درب مالك معـه معبـار
يلومون نفسٍ بعـد لاحبـاب موجعهـا

يقولونها قبلـي يخـون البحـر بحّـار
والآمواج لاهاجت خذت ماتبي معهـا

تكاثرت منك الصد وأثرالعلـوم كبـار
لقيتك علـى نفسـي تقلّـب مواجعهـا

اقوله وأنا اللي شفت ذاك الغلا ينهـار
يشوف الندم رجّـال نفسـه يطاوعهـا

مثل ماضرب جّوٍ خلا غـاي محتـار
يدّوج ورجله مـادرى ويـن موقعهـا

تعرض سموم القيض والدار مامن دار
هليك وشعربالموت روحـه ينازعهـا

جحدت الغلا لين امتلا بالخفوق وثـار
قصايد عساها اليوم تطـرق مسامعهـا

غرامك مثل نارٍ حطبها الغـلا النـار
تموت وغـلاك اللـي بقلبـي يولعهـا

غلاك بضميري واضحٍ ماعليـه غبـار
تشيل الغلا نفسي وأنا عاجـز امنعهـا

يقولون ماودعّك:قلت الفـراق وصـار
والإنسان روحه تنسلـب مايودعهـا !

هذيك الليالـي ويـن أثرالزمـن دوار
خذاهـا ولاظنـي زمانـي يرجّعـهـا

طوتها السنين ولابقالي سوى التذكـار
لياشافتـه عينـي تسابـق مدامعـهـا



الشاعر الكبير / متعب التركي

الموضوع الأصلي: دليل المحبه شوف عيني عليـك تغـار........ولاودي الحاسـد عيونـك يطالعـهـا | | الكاتب: سالم الرشيدي | | المصدر: شبكة بني عبس

[رعد الرشيدي]

صح لسان الشاعر وسلمت يد النقل

[سعيد عيد الرشيدي]

مع إنك رحلت بعيد لكن بقى التذكـار
لياشافتـه عينـي تسابـق مدامعـهـا

صح لسان الشاعر متعب التركي
وصح لسانك وذووقك اخوي سالم الرشيدي
شكراً
تقبل تحياتي وتقديري

[سالم الرشيدي]

مشكورين على تواج ـدكم الرائع ولاهنتـــم

[المر العذب]

الله عليك ياسالم ..

[سالم الرشيدي]

المر الع ـذب
تسلم على حضورك ولاهنتـ

[ميلاس]

روعه ..
سسلمت ع الطررح...