[اسيرة الخيال]

مسائكم عطـر مسجات راقت لي أتمنى أن ترتقي لذائقتكم شقول للأشياء .. لا جات .. تشكيك سادي على هالناس، لو كانوا أحباب! فاقدك قلبي حيييل ، والعين ترجيك ! والنفس تشره، والعقل حاسب حساب دفترك مبطي ماانفتح .. ناطر ايديك ! فوقه بنى غبار الزمن .. [كومة تراب] وتسأل عن أحبابي ( طيور الشبابيك ) وآقول: "مدري وينهم، بس غيَاب" !! و ما يحس بــ [ بَرْد قَلْبَكـ ] غير من يَسكن شِغَافه ..! كُلْ ما ../ خَيَّم .. عليك الـــ بَرْد ! جابته ,, الثواني ..!! الدِفَـــا : ما هو بــ فَرْو ٍ .. / تَلبِسَه / وإلا لِفَافه ! الدِفَـــا : روحك تــضُمْه , من غلا .. / في روح ثاني! وشلون غبت؟، وخابرك يوم أحاكيك بتغيب يوم .. ومن هكـ اليوم باسهاب ! يعني نموت من الحزن ما نلاقيك ؟! ونصير من بعد الغلا (غرب)، وأجناب ؟؟؟ يا حيف .. كنت أغليك، وأهواك و [ آبيك ] ! يا حيف .. ماعدنا حبايب، ولا أصحاب !! شوق / وغياب ، وكسل مشي الثواني و ( انتظـار ) الباب ساعيــن البريد انتظرتك .. ليـن بـرد الما ( كواني ) انتظرت بـ فارغ أحزاني .. وحيـد بكيت يا أغلى الأماكن على الناس ، والناس ما فيهم وفيّ (ن) .. وزارك ! كم ليلةٍ مرّت بهم فيك جلاس ! كم صبح سُرّت عينهم في خضارك ! مات الشجر من غير ما يطعنه فاس .. والورد يذبل من طويل (انتظارك) .. لا تنتظرهم ، يا صديقي .. أنا حاس : ما يرجعون ، ولا يجون لْـ مسارك ! أَمسح دموعك يا صديقي عن الناس .. وانا دموعي .. روّحت لاحتضارك !! آسف على حلم .. مالي به جدارة عشّمني الوقت بأنّي راااح .. أطوله أصابع الوَقت تومي لي بـ اشارَة "ما كل مانشتهي، يُمكن حصوله" وارجع أجَرْجِرْ شعوري بـ الخسارة واحساسي بشي مدري كيف اقوله الفقد يشعرك بـ الخذلان / تارة ، وتارة يحسّسك بـ مصافح بطوله! طَبطَب .. على كتفي مطر، والـروح بردانـه ! كنّه يقول: "اصبر ترى باكر / تبـي تدفـا" ..! اليوم انا من هاجس فراقنا [ ضقت ] .. اخاف باكر "تذهب العقل" ذكراك ! ياخي اذا ان المسأله ( مسألة وقت ) / ابختصر حزن المقابيل, و [انسـاك] ! مابي احس اني ( بعد مده ) اشـتـقـت .. وارجع على شان [ الوصال ] آترجاك ! وانا اكره الدنيا اذا يوم ( دنقت ) وطاحت دموع الحاجه اللي / (لـ) شرواك !! اسالك بالذي خلا خفوقي ( يخاف ) .. [لمني فيك] ماودي جروحي ( تهيم ) ! [ جرحك ] اللي مشى بين الضلوع النحاف [ مثل ] صوت الخطاوي .. فوق عشب(ن) هشيم انت وينك ؟ مابقى شي بالدنيا .. يطيب يوم اناظر بعدك الناس .. مدري وش لمحت !؟ هي شماتة عاذلين، وهقاوي ماتخيب ..! هي وجيهٍ .. تجهل اني من ايديّ / انجرحت ! من بيفهم ... وش يدور بخيالات الصويب ياكثر .. حاولت ابين شقاي، ولا نجحت !! من كثر مااحكي لنفسي حسبت اني غريب عاد انا .. من هرجة الناس قلي وش ربحت؟! ليت .. للواحد مع العالم اكثر من حبيب ! كان لاضايقني فلان .. يم فلان .. رحت ! مافقدك الكـون كلـه .. بس انـــا ؟ { .. محتاجتك ! وينها ارضك .. يالله ؟! خطوتيـــن .. و .. { .. جايتـك ! وان حكوا للغصن عن [ غدر ] الحمام .. لااا يهمّك كذبهم, وابقى ( عظيم ) .. خلك .. أكبر من سخافات الملام ! ومن صباح ٍ [ ينسجونه ] ( من عتيم ) .. !! ياليتك يوم رحت ولا التفتّ وصرت انا لحالي معلمني اروح ولا التفت من يومها .. وانساك !! أو انك ... قلت لي ( كلمة عزا ) لامرت فبالي اقول: الله يجبر خاطرك , ويبيحك ، وياقاك ! انا لو كنت .. افكر في فراقك .. قد تهيالي ولكن خفت لا اكسر خاطرك لو بحكي بفرقاك ترى ماتذبح الا طعنة السكين ( من غالي ) , هذاني مرتين اموت من حبك / ومن يمناك! وانا من كثر ( ما آمنت ) بالفرقى شف ظلالي اناظربه .. واخاف انه يخليني على ذكراك !! [ أخاف ] أسولف لك عن همومي ( اليوم ) ولا أنتهي إلا مع (صبح باكر) !! ما تنجح البسمه على وجه [ مهموم ] .. وأنا الذي دايــم أجيها .. ( مذاكر ) ..! بردان ابدفى .. على ايديك .. ! .. .. .. واتوشّح .. انفاسك .. لحاف !! . ما ودي ترحل وآنا .. ابيك .. ! .. .. .. لا ترعب آمالي .. آخاف !! أعرف إني بقلبك، باقي(ن) لو جفيت ! لو تقول: إن صدرك بالمفارق [ ملي ] .. ! اتحداك كانك في بعادك نسيت يوم أسمّيك: ثالث والدي، وهلي غيبتك علمتني لا ذكرت / وبكيت إني أموت من حبك ، ولا أحيا خلي ..! ما أنت الأوّل, كثير اللي هنيّا سكن !! ( لو توايق ) تشوف بـ عينك الأمكنه كيف أضحت بعد ما هملوها، و كن .. كل واحد سرق عمري بما أمكنه ..!! كنت واقف، وأنا منهد مني [ ركن ] وكل وجهٍ خذلني للغياب ( أركنه ) ..!! وأنت يا أنك تكون / أو لا بقلبي ( تكن )! كان [ تقدر ] ترمّم مابقى فـ / أمكنه وكان مثلك، مثل من روّحوا فليكن ..!! من هنا .. أفقدك قبل أفقد بك الأمكنه ..!! المطر، والليلّ، والبرد، ( وأنا ) !! فاقدينك - وأنتْ تسرف فـ الغياب غاب صوتك / لكن طيوفك (هنا) فـ الحديقه ، فْ المدينه ، فْ الضباب ! دمتم بوووود

الموضوع الأصلي: وتَسْأل عَنْ أحبابي طيُور الشّبابيك .../ وآقول: مدري وينهم، بَسْ غيَاب ؟! | | الكاتب: اسيرة الخيال | | المصدر: شبكة بني عبس

[اسيرة الخيال]

مآً ـآًعجٍبكمً
:(

[الزول]

مشكوووره اختي 000000

الزول معك زااته 000000

[ميلاس]

رررررروعه تسلمين غلآإتي ،،

[الشاحط العايضي]

تقبلو مروري

[عبس]

رااائع
يعطيكـ العااافيه

[مرآهيش]

مسج كل وآحد أحلى من الثآني

تسلمين يالغلآ

[شهاليل]

اسيرة الخيال .,
لاهنتي يالغلا