[أحمد عبيد الهنيدي]

السلام عليكم اليكم اخر ما كتبته هذه القصيدة :

سلام من شاعر جذوره عز وسلالـة ملـوك=من عبس منهال النسب والملك منهاله زهيـر
يعني سلالة مجد عد وجد مـا فيهـا شكـوك=ان ابتدينا من بني غطفان والا مـن الاخيـر
وان انتهينا بجدنـا عدنـان منبـاع وسلـوك=اصل العرب ومصدقين رسالة الهادي النذيـر
مجدٍ مداه بعيد نوره شمس ماتـرض الدلـوك=ما نلبس الا درع مجد ولا نطالـع للصغيـر
و امين سر المصطفى حذيفة ليامن اسألوك=وعنتر وعروة وخالد بن سنان واذكر لك كثير
ونعيم بن مسعود والأحزاب ماضني خفوك =ماضني انك تجهل اللي فرق الجمع الغفير
وحنا خوال ٍ للوليد إن اذكروه وما اذكروك =الحاكم اللي حاكم في عهد الاسلام الشهير
منا وحنا جمرة العرب أخبر اللي ماعرفوك =حنا بني عبس ولنا بين العرب حظ كبير
هذي سلالة عبس كان القوم عن عبس انشدوك=من عبس منهال النسب والملك منهاله زهيـر

أحمد عبيد الهنيدي

الموضوع الأصلي: من سلالة الملك زهير | | الكاتب: أحمد عبيد الهنيدي | | المصدر: شبكة بني عبس

[كاتب الرشيدي]

هلا وغلا بخالي

شاعر ومتمكن وجزل بمعنى الكلمة

أجدت بالتصوير والروايه ووصلت الرساله وافيه

قصيدة تعريف غني عن التعريف من شاعر أضاء سماناء شعراً
واروانا معاني

هنياً لك هذا المستوى

[بن قنور]

شاعر جزل وقصيده جميله
مشكور احمد على النقل

[ابن صقعان]

احمد البويدي لاهنت قصيده عبسيه رائعه تستحق الاشاده تحياتي لك ولكل مبدع ونتطلع
للمزيد وبنتظار جديدك