[دمعة الـذيب]

السلام عليكم ولرحمة الله
مماراق لدمعة الذيب
أتمنى أن يروق لكم

يجول بخفوقي حزن وهموم فوق هموم
ونفسي من الضيقه عليله ومغبونه
إلامن بغيت أشكي غدا فالعلوم علوم
وإذا جيت بسكت صاح قلبي من طعونه
عليك الله أكبر يا كثير العتب واللوم
تلوم الخلايق وأنت أبو نفس مجنونه
ألا يا عشيري ما حصل بالهوى مقسوم
لعب فيك قلبن زاد شكه مع ظنونه
غشيمن بدرب الحب تبعد وأنا محروم
تحسب القلوب اللي على الحب مضمونه
عطيت العهود الصادقه ما تفارق يوم
وقلب ن يحبك قلت والله ما اخونه
أشوف الجفا عندك غدا واجب وملزوم
وصاحبك ما جيته ولا قلت وشلونه
تنادي بصوت الظلم تبكي وأنا المظلوم
لفاني صدى صوتك مع جرة لحونه
غديت بعيونك متهم يا حبيبي دوم
حكمت بقساوه في عذابي مع فنونه
حبيبي ترى درب السعاده غدا مشئوم
كثير الخطايا والجفا شوهت كونه
حبيبي ترى ما جيت أعاتبك ولا ألوم
أنا عارف إن ذي قسمة الحب وشطونه
حبيبي أنا ما احتاج يا كود شد عزوم
نوقف سوى ضد أقشر العشق وجنونه
كفانا من الدنيا حزن ما هو بمفهوم
كفانا من الدنيا وساويس ملعونه
كفانا نصوب في قلوب الغرام سهوم
ترى قلبك أرهف قلب وأنا القلب يا عونه
حبيبي ترى طبع الهوى حاكم ومحكوم
وما دام أنت حاكمني لك النفس مرهونه
حبيبي ترفق بي ترى خافقي مضيوم
أبي قلبك الوافي على الهون يا هونه
تلطف بجفنن ما تهنى بطعم النوم
سهير المواجع والحزن بان بعيونه

الموضوع الأصلي: يجول بخفوقي حزن وهموم فوق هموم | | الكاتب: دمعة الـذيب | | المصدر: شبكة بني عبس

[ذبحني غروركـ]

كلمــآآتك جدآ روووع‘ــــه
تسلم والله لاع‘ــدمناااك

[دمعة الـذيب]

يسلموووو ع المرور العطر