[((أصعب انسانه))]

يا شين طبعٍ فيك .. يا زيـن الأطبـاع

لولا الرجاء .. ما كان خلّيته .. يفـوت

سَنَع .. يشـوّه لا تذكّرتـه .. أسنـاع

مثل الحصاة .. اللي وسط عقد ياقـوت

تخفي هيامك .. وإنـت ميّـت وملتـاع

ما تدري إنه في ملامحـك .. منحـوت

ويبخل لسانك .. وإنت للسمع .. طمّـاع

والبخل .. في سِلْم المحبين .. ممقـوت

الحكي .. قوت السمع / وأسامعي جيـاع

ومسامعي ماتت من الجـوع .. للقـوت

وحكي الغزل في صدرك أشكال وأنـواع

لكن صمتك .. حوّل الصـدر .. تابـوت

إلى طَلَبتك وصل .. صعّبـت الأوضـاع

مدري .. من اللي درّسك جعلـه يمـوت

تصد .. ما كنّك مـن الصـد .. مرتـاع

وإن قلت : يا القاطع .. تلفّت مبهـوت

أقطع بـدَرْب مواصلك في الشهر.. باع

وإلاّ إنت تقطع للوصل فـالسنة .. فوت

طعني .. وطاوع واحدٍ فيك .. ما طـاع

ناسٍ ضعاف عقول / وأشوار / وبخوت

وإلطف بحال اللي نحل حاله .. و راع ..

قلبٍ جروحه .. تنزف أفكار .. وبيـوت

قلبي .. إلا منّه شرى قلب .. مـا بـاع

وإنت هالله هالله فيه .. والعمر موقـوت

اسمع أشعاري في الهوى وارخ الأسماع

ياللي غلاك بـتربة القلـب .. مكتـوت

لا .. للفراق .. و لا .. لتجديد الأوجاع

ونعم .. نعم للوصل .. لو كان بالصوت

الموضوع الأصلي: ياشين طبع فيكــــ!!!!! | | الكاتب: ((أصعب انسانه)) | | المصدر: شبكة بني عبس

[نبض الامس]

.
.


تخفي هيامك وانت ميت وملتاع ... ......ماتدري انه في ملامحك منحوت
وحكي الغزل في صدرك اشكال وانواع ..لكن صمتك حول الصدر تابوت
ماادري من اللي درسك جعله يموت

أنسانة صعبة الفلسفة تحاكي كل جزء من القلب
رائعة جدا وانت اروع

اذهلتني برونق فكرك واتجاهه

تقبل مروري

[((أصعب انسانه))]

نبض الآمس اشكر لك هالابداع واتمنى ان اكون عند حسن ظن الجميع

[أمـ الشوق ـير]

صح لسان شاعرها
كل الشكر صعوبه على الإختيار الرآئع

[((أصعب انسانه))]

كل العفو أمير ع الرد الرائع

[الشمــاليــه&&]

رائــــعــــــــــــــه رائعه بمعنى الكلمة

من كل قلبي اشكرك يااصعب انسانة على هالقصيدة الاكثر من جميلة

وتقبلي مروري

[((أصعب انسانه))]

العفوووووو يالشماليه

[راشد بن سابل]

أصعب إنسااانه ,

إبيااات في قمة الروعة

وأختياار صعب تلااقي مثيله ,

مايجي إلا من واحدن يشبه حلاياه

أسمها صعبه , وبذووقها تذوقناا

سلمت اناملك , دمتي بووووود