[مرزوق العجوني]

حلفت أقطف لك الغيمه .. من اغصـان السمـا .. لرضـاك
و اجي و اعصر .. لك مزون الغلا .. و ابل لك هالريق

مع ان الغيم .. من شافـك تحـت ظلـه .. بـدا يضمـاك
شف نجوم السما .. لا من غفَـت عينـك .. عليـك اتويـق

تعـال .. آعلمـك كيـف القصايـد تحـتـري .. لقـيـاك
تعـال .. انسولـف بقصـة هـواك .. و رحلـة التشويـق

كتبت الشعر لجل ارضي .. شعور ٍ داخلـي .. مـا جـاك
و جاك ..!! و ما كسبت الا الولَه .. مـع ضجّـة التصفيـق

غمّض و اركب احلامك .. و شفنـي محتريـك .. هنـااااك
لعـل الحلـم يجمعنـا .. و اضمّـك مـن قبـل.. لاتفيـق

طموحـي بالحيـاه اكبـر .. مــن المعـقـول و الإدراك
و انـت اكبـر طموحاتـي .. و حلـم ٍ يرفـض التحقيـق

انا و قلبي نضيق .. ولـو بغيـت .. القـاك ..؟ مـا ألقـاك
و انـا.. أوّل مـن بتلقـى .. لـو الدنيـا عليـك اتضـيـق

روح بدنيـتـك كـانـك .. سلـيْـت و نسّـتـك دنـيـاك
حبيب ٍ شالك بقلبـه .. كمـا شـال .. الريـاض .. طويـق

عزمتك داخل ضلـوع ٍ .. تصافـق من غــلا .. و حيــّـاك
تعال .. إختـر مـن اعماقـي مكـان .. و خابـرك ( ذوّيـق)

تعال إلعب علـى روحـي .. تمـون و مـحـد ٍ ينهـاك
تعال .. ( إعرج ) على عيني وانا بكـون لـك ( صدّيـق )

ترى هالشـوق ضـج ّ بداخلـي و اهتـز ّ .. مـن ذكـراك
مثـل مـا زاد .. دهـن العـود .. طيبـه كثـرة التعتـيـق

تعبـت آعاتـب احسـاس ٍ .. بقلبـك مـا قــدر ينـهـاك
و تقفي ْ .. و انت غارق في جفاك .. و ساهـي التحديـق

تـروح و تتـرك بدربـك .. خفـوق ٍ للقـى .. يضـمـاك
ياااخي .. ما أبي .. أروى ..انا ابغى بس ( بلّـة ريـق ) ..!!

مما راااق لي

الموضوع الأصلي: تعال العب على روحي تمون ومااحد ينهاك | | الكاتب: مرزوق العجوني | | المصدر: شبكة بني عبس

[سلمان الزبني]

[font=lucida console][size=4][color=dimgray]اخي مشكور على الابيات الرائعه تقبل مروري
[/color][/size][/font]

[المر العذب]

عزمتك داخل ضلـوع ٍ .. تصافـق من غــلا .. و حيــّـاك
تعال .. إختـر مـن اعماقـي مكـان .. و خابـرك ( ذوّيـق)

الرائع مرزوق أشهد بأنك (ذوّيـق)

[مرزوق العجوني]

كل الشكر على مروركم الرائع واشهد بالله انك اصيل يالامير تقديري لجنابك

[z المــجهول ــz]

مشكور اخوي على القصيده
وتقبل مروري