[فارس الخياري]

هذي القصيده في جـدي نويفع رجا الخياري
و كاتب هذه القصيده الشاعر [ مبارك البويدي ]

و اليكم القصيده بكتابه قلمه

هاذي القصيده قلتها في بداياتي وهي من القصايد اللي أفتخر فيها صراحةَ وهي في ((الأمير نويفع رجا الخياري)) ويستاهل ابو نديب
وأنا ما بالغت في مدحه بالعكس قصرت بمدحه وهو يستاهل أكثر

ماأطول عليكم

أترككم مع القصيده
.
.

مني سلام (ن) صافي (ن) لأبو نديب
عـد الـرمـال وعــد مـا ينوطـا به
سلام صافي أسوقه لراعي الطيب
الـلـي مـع الشـدات مـا صـك بـابـه
اللي ليا فزع فزعته فزعت الذيب
حـر (ن) ولـد حـر وخـوالـه ذيـابـه
اللي ليا نخاه أحدن من الصفعه مهيب
مـا كـنـه إلا منتـخي لـه بـلابـه
ما كد نصاه أحد (ن) وله عيّا يجيب
يجيب أبو نـديب مـا يخلي أصحابه
ومن أقبل على مجلسه بيسمع تراحيب
وتكثير مـن قولت أهـلا ً هـلا به
((مـجـلـس)) أبو نديب ما به عذاريب
مجلس رجال (ن) جعلهم للمثابه
مجلس (ن) فيه الصدق ما فيه تكذيب
مجلس (ن) ما طبته نـاس كذابه
فيه الرجاال اللي تعرف المواجيب
مـا فـيهم اللي قـيـل لـه واسفا به
وأبـو نديب يصمل بوقت المصاعيب
فارس شجاع وكل رجل (ن) يهابه
حر(ن) ظهر بالحوم من غير تدريب
يعجبك فعله لا بغى شي جـابـه
حر(ن) و بـكـفـوفـه حـداد المخاليب
في وجه ربعه مـا شهر مخلابه
هذا وهو من لابة (ن) ساسـها الطيب
لابـه نـهار الكـون يا آوي لابـه
(((بني رشيد))) اللي نهار اللواهيب
رجـال حـرب وفي المعارك ذيـابه
لا هاجت الهيجا تقول القصاصيب
تضرب بحد السيف ضرب يحكابه
<عدوهم> دايم جروحه معاطيب
يصيح بأعلى صوت من حر ما به
(ورجَّالهم) ما له عن الطيب تجنيب
وإكرامهم للظيف كل (ن) درابه
<قريبهم> يشرب عذي المشاريب
<وعدوهم> يشرب امرار وكعابه
ولا من تطرّينا هل الطيب والسيْب
أهل الكرم والجود وأهل الرحابه
ينعد فأولهم أبو فعل (ن) صعيب
أبو نديب اللي عـزيـز (ن) جـنـابـه
ويا الله ياللي تثاب الناس وتثيب
إنـك لأبـو نـديـب تـعـطي ثـوابـه
وتجعله مـن كـاسبين المكـاسيب
كـسـب العلـوم الطـيـبـه والصـوابه
لأنه حكيم وأحكم من ميّة طبيب
عـسى الـجـنان تضم عود(ن) جابه
وختامها.. صلّو على النبي الحبيب
عــد الـرمـال وعــد ما يـنـوطـا به


الشاعر / مبارك البويدي

الموضوع الأصلي: قصيده في الأمير نويفع رجا الخياري | | الكاتب: فارس الخياري | | المصدر: شبكة بني عبس

[فارس الخياري]

ارجو اني اري ردود علي القصيده
تحياتي

[محمد الراشد]

ولا من تطرّينا هل الطيب والسيْب
أهل الكرم والجود وأهل الرحابه
ينعد فأولهم أبو فعل (ن) صعيب
أبو نديب اللي عـزيـز (ن) جـنـابـه
ويا الله ياللي تثاب الناس وتثيب
إنـك لأبـو نـديـب تـعـطي ثـوابـه

صح لسانك
نعم الرجل
يستحق المدح ابو نديب

وتحياتي لك

[فارس الخياري]

مشكور علي مرورك

و اذكركم هذي القصيده مو لي القصيده منقوله من الشاعر [ مبارك البويدي ]
و مشكور مره ثانيه علي مرورك