[الصعلوكـ]

السلام عليكم ورحمة الله وبركاته

مساء / صباح

الورد والنوير

هذي قصيدتي على البحر الهلالي وانا مبتدأ

أتمنى تفتوني في هذه القصيده

فأنا بانتظار نقدكم الهادف بصدر رحب
عنوان القصيدة

من شاف واعتبر

قال الذي شاف غيره واعتبر
ترى التجارب للرجال فيود
احد(ن) يعينها ويجني ثمارها
واحد(ن)يموت ولا لقى المنشود
واحدن يشوف الناس شوفه مليحه
واحدن يشوف الناس مثل الدود
ابنذرك ياصاحبي كانك تفتكر
وتسمع هجاي وتستمع للزود
ترى الكريم ان جاه فقره بيغتني
بفعايله واحسانه المحشود
أشوف الناس تجهلني وتعتلي
بدرب الردى اللي جابه المقرود
أشوف الطيب كل ماله ويحتمي
مثل محموم(ن) جاله الموعود
وترى النصوح ان كان وده نصيحة
أسرها لك واقنعك بالجود

وسلامتكم

الموضوع الأصلي: الى الشعار ارجو النقد ان كان هناك نقد او نصيحه؟ | | الكاتب: الصعلوكـ | | المصدر: شبكة بني عبس

[بركه الخياري]

أخي العزيز إذا هذي البدايات فالمستقبل طيب

اما القصيده البيت الاول و الثاني على البحر الهلالي

و باقي الابيات الظاهر فيه اختلاف بالبحر

الوزن و القافيه صحيحه

وجهة نظري و اتمنى لك التوفيق

[كاتب الرشيدي]

اقتباس من مشاركة الصعلوكـ السلام عليكم ورحمة الله وبركاته مساء / صباح الورد والنوير هذي قصيدتي على البحر الهلالي وانا مبتدأ أتمنى تفتوني في هذه القصيده فأنا بانتظار نقدكم الهادف بصدر رحب عنوان القصيدة من شاف واعتبر قال الذي شاف غيره واعتبر هذا الشطر ماهو على البحر الهلالي ترى التجارب للرجال فيود احد(ن) يعينها ويجني ثمارها واحد(ن)يموت ولا لقى المنشود وهذا البيت مقارب واحدن يشوف الناس شوفه مليحه واحدن يشوف الناس مثل الدود ابنذرك ياصاحبي كانك تفتكر وهذا الشطر غير هلالي وتسمع هجاي وتستمع للزود ترى الكريم ان جاه فقره بيغتني بفعايله واحسانه المحشود أشوف الناس تجهلني وتعتلي وهنا خلل بدرب الردى اللي جابه المقرود أشوف الطيب كل ماله ويحتمي خلل مثل محموم(ن) جاله الموعود وترى النصوح ان كان وده نصيحة أسرها لك واقنعك بالجود وسلامتكم

أولاً اعتذر لك على التأخير
هذي وجهة نظر تخطي وتصيب
والنقّاد الله يهديهم مكلفهم بالمرور
لكن ضروف الناس
اما محاولتك لاباس
لكن دائماً مايكون العجز والصدر من القصيدة الهلالية على قافية
ومن ثم يهمل العجز ويلتزم بالصدر وتكون على لحن واحد

ويامرحبابك وتشرفنا بأنظمامك معنا

[نواف المثني]

بدايه موفقه وصـــــــــــــــــــح السااااااااااااااانك ولكن كلمة فيود مجبوره والوزن والقافيه لباس

تقبل مروري

[اخو جوزاء]

يالصعلوك

انا ماعرف الطرق الهلالي

لكن يبدولي انها لاقمريه ولاشمسيه ههههههه

اخوك اخو جوزى

[الشبيح 404]

صح بدنك وحاول مره اخرى عشان تعرف كيف القصيده

[على هونك]

والله بأنسبه لي انا انقد معرفك اكثر هل تعلم ماذ تعني كلمة صعلوك ؟؟؟

[احمد سبيتان]

بالنسبه للقصيده فيها اختلاف فالبحور جميع الابيات

الشطر الوحيد اللي على البحر الهلالي هو

احد" يعينها ويجني ثمارها

طبعا" هذا غير الكسور التي وضحها الاخ كاتب

ولكن نصيحتي لك مادمت فالبدايات ليش تحد نفسك على البحور الصعبه

اكتب البحو ر السهله واللحون اللي يمارسونها شعراء المحاوره

كذا تمشي معك الامور لين يتعود لسانك وتصير تقول بيوت موزونه

تلقائيه بدون ماتلحن ولاشي

نصيحه لك

كلنا قبلك كذا

تقبل تحيات محبك

ولو اني معارض على هالأسم وانا اعاتب الأداره ليش يوافقون على ها النوع من هالأسماء

صدقني اسمك لايعيبك اكثر من هالأسم