[بعيدالمصابيح]

السلام عليكم ورحمة الله وبركاته

انسق لكم المحاوره التي دارت بين

بعيد المصابيح::: واخيه صياف

وعسى ان تحوز على رضاكم

تحياتي لكم

صياف

سلام الله سلام ينوخ الطرقي علا مركاه = وياخذ من علومه مايجاوبكل نشادي

انا مدري عنك لكن يبين الطير من مربـاه=وانا رجال عارف والعوارف تعرف امرادي

بعيد المصابيح

هلا يامرحبا ترحيب يسقي منورد مضماه=على العد القراح اللي بضلع وفي بطن وادي

ياصياف العرب من دور العليا على ممشاه= يدل الدربلونه عن دروب العرب غادي

صياف

يدوم ابك البقا ياشاعر الي ماظهـر مخفـاه=وانا ماجيت لك لولا القراح البخش من غادي

لو ان الي تقوله صح ماحداّ خالفـه مرسـاه=ولكن لاتخالفني ليـا قلـت المثـل عـادي

بعيدالمصابيح

تقوله وانت ياصياف تبغا الذيب مثل الشاه=ترى ذيب الخلا لاجر صوته جاك هجادي

لونك عالمن دور الفلك ماجيت في مسراه=عسى ربي يبارك فيك ورتح يابن الجوادي

صياف

نعرف الذيب باوصفاك ولابه فرق غير الجاه=ولو مانته براعي جاه قلنا الذيـب جاعـادي

انا ماني بعالم لكن اعرف مانكتـب واقـراه=وغيري لو قراء كل الكتب ماحصل ارشادي

بعيدالمصابيح

تعرف الذيب والا ماتعرفه لاسمعت اعواه=يقولون العرب له خوتن في عصر الجدادي

صحيح اللي تقوله مير بعض اناس في عمياه= مع العالم مايفهم شي سردادي ومردادي

صياف

اشوفك ذيب عادي وانت دقق بالكلام اعلاه=تخاويني لايا شفت الحلال الصبح منقـادي

تخارج مع طويل العمر والميت رحمـه الله=ترى مع طولت الفرجه عليك الحمل يزتادي

بعيدالمصابيح

اشيله عن طمان الارض مير يحوس في رجلاه=لاكن ذالحين ابااورده مع صادر وورادي

تبا تتعب معي في طرقتي والعلم ماتنساه=ولاتذوق الهنا فشرب وراحات وزادي

صياف

انا ما ازعل رفيقي وان زعل مني تحرا ارضاه=وما يحصل معانا حصـل لطالـب والاستـادي

لاوصلتك الرساله كـل بيتـاّ دقـق ابمعنـاه=ان بانشدك كيف الحر ابو مخـلاب ينصـادي

بعيدالمصابيح

الا ياطير ابن برمان جبت الداب في علباه=عسى الله يرحم اللي مات باالكوفه وبغدادي

انا مالي دخل بلحر واللي صاده بمفلاه=لكن افهم وخلك معي فلمنتاز والعادي

صياف

ابن برمان يوم انه يهد الطير وش مغـزاه=ترى النيه مطيه والسبب من رب العبـادي

اذ مالك دخل لاتقرب الطاروق مـن مبـداه=يكفون الجماعه وانت شجع من ورى المادي

تحياتي وسلام اختام

الموضوع الأصلي: تنسيق محاوة بعيد المصابيح واخيه صياف | | الكاتب: بعيدالمصابيح | | المصدر: شبكة بني عبس

[عنتر زمانه]

أبديت رأيي بها اثناء المحاوره ليلة البارحه

واشكرك على التنسق

[صياف]

الله يعطيك العافية على التنسيق

[المرقاب]

صبحكم الله بالخير
قاف جمييل
وصح السانكم

[بعيدالمصابيح]

اقتباس من مشاركة عنتر زمانه أبديت رأيي بها اثناء المحاوره ليلة البارحه واشكرك على التنسق

الشكر لله ياخي عنتر زمانه مشكور على المرور الجزل لاهنت

[بعيدالمصابيح]

اقتباس من مشاركة المرقاب صبحكم الله بالخير قاف جمييل وصح السانكم

لاهنت اخي المرقاب على المرور الجزل دمت