[مبارك السوارج]

السلام عليكم ورحمـة الله وبركـاته

اقدم لكم هذا القـصيده وارجو ان تحوز على رضاكـم


مبارك بدأ نظم (ن) من الشعر مفتـول= يبقـا لدسمين الشوارب مثولا

هـات القـلم واكتب ترا البال مشغول = من هاجس (ن) بين الضماير يجولا

ثمان حجات(ن) وانا منه معلول = مع حجتين ونصف حجـه وحولا

الهم والهاجوس دايم على طول = عانيـت من كودا وزود الحمولا

ما دك في قلـبي هوا كل مجمول = نجـل العيون اللي طبوعـا خجولا

لو عرض الغطروف والقرن مجدول = صديت !! ما كنه غزال(ن) جفولا

باب الهوا قدمـي مسكر ومقفول !! =عليه حراس (ن) تصول وتجولا

حال الكبر دونه مع الشيب يحول = وقصر حبالي لو حبالي تطولا

عقب اربعين العام بانت بي اخلول = علي من صكات بقعا ميولا

واصبر كما يصبر على الكي مسلول = والصبر طعمه مر ما هو عسولا

واجحد صوابي لو انا منه مشلول = عسى اليسر دون العسر لي يحولا

يا رب بدل حالت العسر بسهول = واجعلنا من مد جودك فضولا

مدك ولا مد اهل البخل والقول = اهل النفاق اللي تدور الخمولا

واهل المهايط برخـا سيف مصقول = تجار حكي ولا وراهم احصولا

باللازمـه ما ينفعونك إمحصول = مثل السراب اللي بعينك يزولا

لعلهـم في حارتي مالهم ذول = البعد أخير من الخباث النذولا

ياالله يا اللي تبعث الارض بسيول = ادعوك تكشف ضر حالي عجولا

لعلها من عقب الاقفاي بقبـول = وانه يضربنـا طريـق الرسولا

محمد اللي خصه الله مرسول = الرحمه اللي عم عرض(ن) وطولا

وتمت وصلوا عد ما هل هملول = على نبي (ن) خصه الله رسولا

الـشاعر : مبـارك ابن رشيد الـسوارج

وسلامتكم ..

الموضوع الأصلي: ( مبارك بدأ ) مبـارك الـسوارج | | الكاتب: مبارك السوارج | | المصدر: شبكة بني عبس

[مداروفلك]

صح اللسانك اخوي مبارك

على القصيدة الرائعه

ومشكور.....

[نواف بن مفضي]

صح اللسانك اخوي مبارك

على القصيدة الرائعه

ومشكور.....

[شيخه بنت شيخ]

تسلم اخوي مبارك على القصيده
صح اللسانك وبيض الله وجهك

[الشنب]

صح اللسانك

[الوافي المهيمزي]

صح لســـــــــــــــــانك اخوي ........
وتسلم يدك.........

[مبارك السوارج]

الله لا يهينكم على المرور وبيـض الله وجيـهكم .. ..

[جمعان خلف]

الاخ الشاعر الكبير مبارك رشيد السوارج
قصيدة شامخه كا شموخ شاعرها كتبت فأبدعت هذا هو الشعر الحقيقي الذي
نبحث عنه شاعر عاصرت الجيلين مريت في عدت تجارب من الحياة شاعر لك خطك الواضح
مدرسة متكاملة اشكرك على مافاضت به قريحتك ولكنني اطالبك بأن تتفأل بقصائدك القادمه , الدنيا يااخي ابو رشيد لاتسوى عند الله جناح بعوضه أرجو أن تبتسم لها حتى تجبرها ان تبتسم لك , أهنئيك على الصبر وابشر بخير أن شاء الله , قال الله تعالى , وبشرالصابرين الذين أذا اصابتهم مصيبةٍ قالوا إنا لله وإنا إليه راجعون ,
تشرفت بزيارت هذه القصيدة واتمنى بتوفيقٍ من الله زيارة شاعرها بأقرب وقت ممكن
وحتى تجمعنا الايام استودعك الذي لاتضيع ودائعه 00

اخوك المخلص جمعان خلف