[بركه الداموكي]

بسم الله الرحمن الرحيم

السلام عليكم ورحمة الله وبركاته


إخواني أعضاء الموقع الكرام هذه الفكره بسيطه ومفيده إنشاء الله وهي أن تشارك ببيت أوبيتين

أوثلاثه نادره أو من عيون الشعر في وصف والغزل واغراض الشعر لمن ياتي بعدك مع ذكر صاحبها إن أمكن وهكذا ويمكن للعضو المشاركه

عدة مرات بدون تحديد لتعم الفائده للجميع .


وهذه البدايه .

عراض المثاني جملةً والنحور وساع= وفجحً شمايلها عـن الـوزر قفريـه
تفاهق سنام ظهورها اللي يجي له باع = طـوالً غواربهـا سنـادً هلالـيـه
ليا قاسها المربوع شبراً ورا لكـواع = طـوال الرقـاب مقلـداتً بمقطيـه
يجي خدها شبرين كان الهدف ماضاع = مربـع هـوامً بيـن شلـف اليمانيـه
لياما اقبلت كنها هنوفً بـدون قنـاع= طويلة قوام وشافت اللي تبـي جيـه
بها من بنات الريح زوم وفخر واطباع = تشانـق بسيـرً كايداتـه مواطـيـه

للشاعر // ناصر ابن لقرع في وصف لابــــل والخيل

نأمل التفاعل من الاعضاء

مع تحياتي

الموضوع الأصلي: إدخل وشارك ببيت نادر هديه لمن ياتي بعدك | | الكاتب: بركه الداموكي | | المصدر: شبكة بني عبس

[سالم الزير]

يازين شوفة الفطر الشيب

الي تهيجن اليامنا رحلنا

;) ;) ;) ;) ;)

[بركه الداموكي]

مرورك شرف ياسالم الزير

وبيت جميل

وننتظر تفاعل الاخوان مع الموضوع

[البحتري]

[الحر]

أربـــــع نياق عفر تسوى عمــــــــاره*********** عندي وعند أهل المراجل والأذكار

[الفهيقي]

دنيت حيلن للفحل مابركني = فج العضود ازوارهن ماتصيبه
حيلن ثلاث سنين ماضربني = مرباعهن بأرضن قفر ماوطيبه
عيرات الأنضا للمسافة إدني = سفن الصحاري خفهن ماحذيبه
مانجبوهن للسبق يسبقني = ولا ضربوهن بالفحول الغريبه
بهليلن على الحنك وسمني = علامة بين القبايل عجيبه
من غنيم تيما جهزن واجهمني = من بيت شيخن كل خير القيبه
مثل القطا يوم امرسن واشلعني = ولا نعامن موحسن حس ريبه

الشاعر/صالح حماد الفهيقي

[حــزام]

بيض الله وجهك اخوي بركه الداموكي
وصح لسان الشعار
واسمحلي على تنسيق القصيده اخوي الشاعر صالح بن حماد الفهيقي
وصح لسانك
ولاخلا ولاعدم

[الفهيقي]

اقتباس من مشاركة ذيب الحجاز بيض الله وجهك اخوي بركه الداموكي وصح لسان الشعار واسمحلي على تنسيق القصيده اخوي الشاعر صالح بن حماد الفهيقي وصح لسانك ولاخلا ولاعدم

اخي ذيب الحجاز - شكرا لك على جهودك, فقد اتعبناك معنا فلك مني اجمل تحية