[رشيد]

انا اللي يابعد عمري بقول (آسف) ولو مخطيت !
لأن اكبر خطا منّك صغير بجنب غلطاتي
.
ابد ماني بقايلك: ترفّق ! ليه ؟ وشسويت !
قل اللي ودك بقلبك تقوله واترك سكاتي
.
عسى الله لايعافيني اذا من هرجك انغثيت
سكت من الخجل والله , بلاك خابر سواتي
.
ومدامه (صح) كل اللي تقوله ، فانت مازليت
واذا زليت هالمرة ! نسيت ؟ شكثر زلاتي
.
نسيت انك تنسّيني الزعل كله الامن جيت
مجرد ضحكة عيونك بنظرة تجمع شتاتي
.
نسيت؟ شكثر تغليني ؟ وكم لك ؟ وانت مامليت
نسيت ان الوفا منّك يذكّرني خياناتي ؟
.
نسيت ؟ الله يومنّك علي من الزعل غنيت
« حسبت اشواقنا غابت « وخابت فيك هقواتي
.
عجزت انطق ولا كلمة بلحظتها سوى ياليت
يجيلك يوم باذن الله وتقراها مع ابياتي
.
هذاني جبتها شفني وازيد من (الغلا) لك بيت
مادام ان القصايد فيك لسه في بداياتي
.
احبك ؟ ايه احبك.. ايه احبك.. آآه لوعديت
من الآحاد للآلاف تملا كل خاناتي
.
حبيبي لاتحاسبني وانا ياما عليك اخطيت
ترى لو مت بيديني غفرلي صدق غاياتي
..
.
..

اسم القصيده وقائلها :
" آسف "
للشاعر الفذ // خلف المشعان

الموضوع الأصلي: آسف | | الكاتب: رشيد | | المصدر: شبكة بني عبس

[صياف]

يعطيك العافية

[الـرونـق]

صح لسانه

قصيده جميله

والله يعطيك العافيه :)

[مداروفلك]

صح السان

قائل القصيده

ويعطيك العافيه

ومشكوررررررررررر