[محمد العتـيبي]

السلام عليكم ورحمة الله وبركاته ..
القصيدة تكتب نفسها ..

لا تلتفت ياصاحبي للضعيفين
قومن تنقص من كبار المقامي
وان كان ثرنا مانهاب السليبين
نسلب ديار وننهب الجوف حامي
وان كان قربنا ندك الميادين
دكن يهد الدار واهل الحرامي
واليا وصل وقت الوغا يااحمر العين
ماحن نهاب المشكلة والزحامي
ثرنا كما ابن حميد ولا الرباعين
ربعي هل الطالات يوم الجهامي
واليا اغنتمنا دارهم بالمفاتين
نزرق مفاتنهم ونبني خيامي
فوق الجبل بنرز نارن ونارين
ونولع الهيجا ونجلى العدامي
ونوقف اهل الشين بالماقف الشين
والزين يابن الناس غاية مرامي
للمرجلة والملعبة مستحقين
النا الجدارة للعدوّ انهزامي
لا ثاروا اهل العز حماية الدين
وراع الخطا في مجلس الشرك عامي
راع الخطا قدمه صعوط المجانين
ربعي هل الوقفات نعم الاسامي
ربعي عتيبة مكرمين الميامين
اهل الوفا ومقدرين الحشامي
واهل الخطا من يدنا للامرين
ذاقوا وشافوها وريح ونامي
والله لتركد بالبنادق شياطين
ونرقص الكفين وقت الملامي
من هو يلوم اهل الكرم والسلاطين
كان التفاخر حقنا مانضامي
وباق القبايل كلها عسرن ولين
ميقافها مشهود والطيب شامي
عن خشة الكردي وورع التراثين
الله يقلع من عطاه الزمامي
واجتاح دار العز من وين لاوين
خطط بلاد المجد وافنى النظامي
قردن قطع رزق العرب والمساكين
يجلس سهير العين ماله منامي
ضاعت بلاده بين وحده وثنتين
ضاعت بلاده من بقايا الغرامي
نشكر هل الوقفات صلب الذراعين
رجال قد السهل ويا الجسامي
ميقافهم مشهود بين السلاطين
نعم المراجل من خوال وعمامي
اهل الكرم وموثقين الموازين
اهل الفعايل ذا ونعم الحزامي
اليا احتزمنا من يسار ومن ايمين
ميقافكم مشهود رجل وغلامي
والطيب تشهد له عيون السعيدين
والحزن يشهد وقت كسر العظامي
بني رشيد اهل الوفا شوف بالعين
ميقافهم تشريف روس السنامي
اهل الكرم ولا الفعايل دواوين
تاريخهم يحكي عجيب الكلامي
ومطير حمران النظر والصليبين
اهل الفعايل كان جاك اللزامي
ادع المطيري مايهاب المعادين
فزة اسودن نور دمح الظلامي
ولا عنزة قوم الكرم والكريمين
اهل الفعايل وصلوهم سلامي
حكامنا وقت الملاقا عنيدين
كل البواقي للمعادي هدامي
والمرة المرة كلامن بتثمين
اشاوس الهيات صبيان يامي
واليا انذكر مرزوق فزت جناحين
عجمان لا ثارت تنطل عمامي
وسبيع سبعان الكرم والوفيين
خوالي الغلبا وروس السهامي
والهاجري حقن علينا وتثمين
نذكر علومه قدم كل الانامي
واليا انذكر جد العرب بالصحيحين
قحطان مع عدنان والكل قامي
وكل العرب نفخر بها يالسلاطين
قاله ولد برقا عزيز المقامي
دام النفيعي في مقام الشياهين
ولا العصيمي والمصيبة قثامي
ولا الدغالب كلهم والدعاجين
اعيال عمي درع جنب وحزامي
صيت المحايا بين كل الاكاوين
يفرق ليا جا باللوازم مهامي
والاد روق اهل الفعايل براهين
تاريخهم يشهد لهم من زلامي
لين الثبيتي والدلابح قويين
والا الغبيوي كان مالحظ هامي
هامات روس وبالمواقف مثنين
تاريخهم مافيه ذرات اثامي
يالابتي يامحزمي يالمسمين
ميقافنا مافيه نصف انقسامي
متوحدين بعز ربي على الدين
نترك مصاب الناس بالانفصامي
وختامها صلوا صلاة المصلين
على النبي وابرك وافضل ختامي

الموضوع الأصلي: الى كل قردن يريد ان يتجاهل مرجعنا وولائنا لوطننا | | الكاتب: محمد العتـيبي | | المصدر: شبكة بني عبس

[محمد الراشد]

ونوقف اهل الشين بالماقف الشين
والزين يابن الناس غاية مرامي
للمرجلة والملعبة مستحقين
النا الجدارة للعدوّ انهزامي
محمد العتيبي
صح لسانك ويسلم لي هالرس الا مايجيب الا الجزل

[برق الوسم]

بني رشيد اهل الوفا شوف بالعين ميقافهم تشريف روس السنامي اهل الكرم ولا الفعايل دواوين تاريخهم يحكي عجيب الكلامي

ماعليك زود وتسلم يامحمدالعتيبي
ونعم فيك وبربعك وبجميع من ذكرت بالقصيده
بيض الله وجهك
وصح الله لسااانك ..
قصيده وافيه وانت وافي ..لاهنت يامحمد

[محمد العتـيبي]

محمد الراشد ,
صح بدنك والله يسلمك ويحييك طال عمررك ..

[محمد العتـيبي]

برق الوسم ,
الله يسلمك وبيض الله وجهك ولا عليك زود طال عمررك , حياك الله ,

[عايد2001]

بيض الله وجهك على القصيده الجزله
لاهنت يامحمد

[حنان الرشيدي]

قصيدة محكمة الحبك ...
راقت لي كثيراً ..
صح لساااانك ....
و بانتظار جديدك بإذن الله .

[طلال محمد ناهس]

بيض الله وجهك على القصيده الجزله
لاهنت يامحمد