[مرشد الصقعان]

يهب ياشين الفراق وطواريه=عزالله اني مارجيت ورجيته
فرقا وليف الروح ماني بقاويه=عزالله اني ياخلف ماقويته
عطني من الدخان ياخوك عطنيه=عطني زقاره لين يقضي بكيته
ماني بناسي ذاك الانسان ياهيه=ماذكر نهارن مر في ونسيته
ياما تحملت العنا والمشاريه=وياكثر ناسن بعتهم واشتريته
وياما عن الزلات قلبي يداريه=واعطيته اللي للبشر ماعطيته
ياخوك قلبي ياخلف مغرمن فيه=كم مرتن لاراح واقفا بكيته
ياحول في قلبي ليا حل طاريه=غنيت له كل اللحون ورجيته
أسهر واعيد أيام حبه وماضيه=والليل لو انه طويل(ن) سريته
في ناظري ماكل شخص(ن)يساويه=باالعين منزاله وبالقلب بيته
يعني على هالحال ماني بناسيه=ولو طالت المده حشا مانسيته

الشاعر/مرشد الصقعان

الموضوع الأصلي: ياشين الفراق وطواريه | | الكاتب: مرشد الصقعان | | المصدر: شبكة بني عبس

[العاقل]

صح السانك على القصيده الرائعه

[كاتب الرشيدي]

صح اللسانك


قصيدة جميله

[برق الوسم]

صح لساانك

لاهنت

[مداروفلك]

صح الله السانك
على القصيده الرائعه

[حمود البراهيم]

فرقا وليف الروح مانـي بقاويـه

عـزالله انـي ياخلـف ماقويتـه

عطني من الدخان ياخوك عطنيـه

عطني زقاره لين يقضـي بكيتـه

حسبي الله عليك الدخان مضر بالصحه هههههه

صح السانك وافي الله يعطيك العافيه

[مرشد الصقعان]

أخوي حمود شكرا على المرور
والله انا مادخن بس الشعراء يقولون مالا يفعلون
وابشرك بحياتي مادخنت الحمدلله....

[متحف الاحزان]

هو الفراق من جعل مدامعنا تذرف غالي الدمع

وهو من جعل الروح تأن على بعد المحبوب

وهو من حرمنا النوم في إنتظااااااار بزوغ فجر يكون للحبيب معنا لقاء ..

كل الشكر لبوح قلمك وبديع إحساسك

اخوى مرشد الصقعان

يامن صغت الحرف بين أناملك فكان لبريقه روعه تسلب الأنظار...

في إنتظااار جديديك


تقبل مروري البسيط