[حنان الرشيدي]

" بسم الله الرحمن الرحيم "





مسائكم أحلى من الشهد ..



باختصار اليوم نسقت لكم محاورة لـ عملاقين

من عمالقة المحاورة في الشبكة ..

و هم العميل السري و خاتم سليمان ..

ما أبغى أضيع وقتكم أكثر و أترككم تستمتعوا

بالمحاورة ^_^



\



خاتم سليمان

ســلام رديّــه كـمـا ركــض الأصيـلـه بالسـبـاق = الـلــي نـواصـيـهـا نــصــر وامـعـرّبــه وامـجـرّبــه
المنتدى من كثر ما أغزي به غدى مثل العراق = والمنتدى مثل العراق اللي مثـل قـشّ اصلبـه

العميل السري

يامرحبا ترحيبة تـــــاقف على عضم وساق = يالشـــــاعر اللي كل ماضاقت يعود لعربه
المنتدى ماهو على خبرك وتم به الوفاق = لكن ماضن اصلبه تمشي على وزن تربه

خاتم سليمان

دام البقاء والحمل يابعير البدو فوق الوساق = والحر لا من جاع يقتـل صيدتـه فـي مخلبـه
تتجمـع الغربـان بالشجـره وتـزعـج بالنـعـاق = والـجـوع جــوف ابطونـهـا واقلوبـهـا متـعـذّبـه

العميل السري

اشعيل لامنه هـدر لفيت من خـلف الرواق = والحي اله زمــــار والزمـار حصل مطربه
حناترى اكثر شي نكره في مبادينا النفاق= خل الشجرواللي عليه ابعدعنه لاتقربه

خاتم سليمان

انت العميل اللي يحط الوسم من فوق النياق = و اليا جهلت الـرد حطيّتـك علـى البـاب اعتبـه
أنا لـو أشتـم بالسمـك مانـي بشتّـام الحـداق = رد الخبـر عــن خـاتـم أو رد الخـبـر لأبــو رقـبـه

العميل السري

انا وسمت انياقك اللي معك بالوسم الحقاق =وطيبت خطرها لوان الحوض في ماه غربه
ياخــــــاتم الدعوى بسيطه لا تحولها شقاق= عطنى علوم الطيب والمبعد عليك نقربه

خاتم سليمان

وسمـت ناقـه قـد منحهـا أبـوك مـع كـل الـرفـاق = وإلا تـــرى مـالــي حـــلال ٍ تـاسـمــه أو تـحـلـبـه
ياليتـك تحـلّ الكـلام اللـي مثـل صـفـق الـطـراق = سيف القصاص ايجلّس الجاني على روس اركبه

العميل السري

العلم جـــــــــــاك ولاتحاول مرتك مثل البراق=ابكارك اللي نورت بالليل مثل الكهربه
ياشينها بالصدر تجرح ونوب تطعس بالمذاق=العين عيت لاتنام ومـــــاه عيا يشربه

خاتم سليمان

انــتــه مـثـل رأس الـفـتـيـلــه حـظـهـــا بالأحــتـــراق = والزند يقدحـهـا .لـو الـمـعـنـى ماهو وجـه الـشّبه
الـمـلـعـبـه بـــنـــت ٍ تـنـازعـكم عـلـى حـكم الطـلاق = واللي بطئ جزل عمله ماهو مسرّعه انسبه

العميل السري

الظاهر أنه ماشي البارح على السلك الدقاق=وأصبح مطيع(ن)كل مااااسقناه زوزع بقربه
اليا فتح خـــاتم فمه مـــاله طعـــام الا المداق=وان مارضى مدوووه بالمشعاب قررت اضربه

\



صحت ألسنة شعراءنا ..

و دمتم بود ...

الموضوع الأصلي: " الـ ع ـميل الـ س ـري & خـاتم سلـ ي ـمان " ~> تنسيق رابطة العميل السري | | الكاتب: حنان الرشيدي | | المصدر: شبكة بني عبس

[المشعل]

محاوره رائعه بين شعراء رائعين

لاهنتي حنان على التنسيق

تحياتي لك

[فهيد الشويلعي]

مشكوره اختي حنان
ع التنسيق المحاورات
الجميله

[فهيد الشويلعي]

محاوره رائعه بين شعراء رائعين

لاهنتي حنان على التنسيق
الرائع

[فهيد الشويلعي]

محاوره رائعه بين شعراء رائعين

لاهنتي حنان على التنسيق

[ابوفادي]

مشكوووووور والله يعطيك الف عافيه

[العميل السري]

كل الشكر لك قائدة رابطة العميل السري

على التنسيق الرائع سلمت يداك

لك تحياتي

[مذكر الرشيدي]

مشكورين على المحاوره الجزله