[النمر1012]

للمر جله بين الرياجيل نوماس
وأحيان مابين المراجل شراسه
هذي تبي هذا عشانه ولد ناس
وهذي تبي هذا بحسب الفراسه
وأنا أقول أن المراجل لها ساس
بس البشر فيهم شوية تعاسه
أحد ٍ حسبها صح ما صابه لباس
وأحد ٍ مع الفرسان يا قو باسه
هذاك بفلوسه كما الطير قرناس
وهذا بسيفه كوّن اليوم ساسه
قالوا قصيدك يلحس المخ بالراس
قلت العفو بس القصايد سياسه
أسج فكري مع هوى الشعر عساس
شاعر ولكن ما هويت الوناسه.!
بيني وبين الشعر مركى ونبراس
ودلة جزالة ما هي دلة طفاسه
بنيت لي في قمة المجد مجلاس
وحطيت قدم الباب اكبر حراسه
ويابنت ياللي كلها ذوق واحساس
كل ٍ يقول انا البطل من حماسه
أحد ٍ عشانك يرفع الصوت بخساس
وأحد ٍ عشانك قام ينعم حساسه
يابنت لو خلوك من دون قرطاس
نص البشر ضيع دروب الدراسه
بعض البشر مثل الذهب وأحد ٍ نحاس
وبعض البشر مثل النعام بفقاسه
ويابنت عشقك ماله اليوم حراس
الا ضماير قوم فيهم نجاسه
ياليت صار الوضع يحسب بمقياس
عشان كل ٍ ماله الا مقاسه
وآخر كلامي كلمة الراس للراس
ليت النعام يصوم عن دفن راسه
ماراق اللي من قصيد

الموضوع الأصلي: ويابنت ياللي كلها ذوق واحساس | | الكاتب: النمر1012 | | المصدر: شبكة بني عبس

[• طہَإلً انتہَظہَ‘ـٍَ_ـاريَ•]

صح الساااااانك النمر

[العبسي الغامض]

للمر جله بين الرياجيل نوماس
وأحيان مابين المراجل شراسه



يكفى عن الكلام يالنمررر

[النمر1012]

صححححححححححح بدنكم والله يسلمكم وعافيكم ومشكورين علي المرورررررررررررر

[فهيد الشويلعي]

صح الساااااانك النمر

[النمر1012]

صحححححححح بدنك ياخوييييييييييي ويسلمك وعافيك ومشكور علي المرورررررررررررر

[أمـ الشوق ـير]

صح لسانك ، قصيدة جزله

[النمر1012]

صح بدنك والله يسلمك يامير ومشكوررررررر علي المروررررررررررررررررر