[عطاء الرشيدي]

أخذ النصيحه




فكر بعقلك لاتغمض جفونك


وأخذ النصيحه جعل ربي يخليك


لاشفت ناسن باللقا يمدحونك


أعرف ترا هرج القفا مايسليك


من يمدحك قدام عينك يخونك


ومن يمدحك بقفاك بالقلب شاريك


أحرص على اللي ضاق صدره بدونك


وأترك صديقن بالسعه دوم باغيك


بعض الصداقه للمصالح يبونك


وأليا خذا المطلوب قل وش يبي فيك


عليك في ربع السعد ينفعونك


لو واحدن منهم عن الناس يغنيك


لاصحت ضايق ! كلبوهم ياعونك


ولاغبت عنهم أرسلوا من يناديك


يرتاح لاشاف الفرح في عيونك


ويضيق لاشاف الحزن في حكاويك


أحدن على سر الصداقه يصونك


وأحدن على سد الصداقه حكى فيك


ربع الرخا لاضقت صعبه يجونك


وربع الشدايد واحدن بس يكفيك







وسلامتكم ؛

الموضوع الأصلي: وأخذ النصيحه جعل ربي يخليك | | الكاتب: عطاء الرشيدي | | المصدر: شبكة بني عبس

[ايوب]

صح السانك ومشكور

[برق الوسم]

صح لسان شاعرها وناقلها
لاهنت اخوي ع النقل
واسمح لي بنقلها بالمكان المناسب هنا
تحياتي لك

[فهد الطويل]

صح السانك ولاهنت على الابيات الرائعه..