[تراتيل حرف]

أسعد الله أوقاتكم بكل خير ..

نظرا لعدم تفرغ شعارنا الكبار لمثل هذي المواضيع ومشاركتنا تحليل المحاورات
ليستفيد من خبراتهم من يبحث عن الفائده

عرض لمن يريد تتغيير لونه -- فقط شارك بالتحليل والنقد هنا

ومن يتوصل للمعنى سوف يتم رفع طلب تغيير لونه للعمده والقائمين على ادارة هذا الصرح

اخواني --

أضع بين أيديكم هذه المحاورة للشاعرين :العميل السري+قسورة الغاب

وذلك لتحليل معناها ونقدها معنى ولفظاً


العميل
يالقسوره ياعداك الوم شللـي حصـل&&من صومع بـحلت التاجـر واخـذ دفتـره
انـا نشـدت العـرب لـكـن مـابـه عـمـل&&والعلم يالقسوره ماحدن عرف مصدره

القسوره
مافيـه مافيـه غيـر الخيـر مقبـل دبــل&&وابشرك بكرة هذيل السديس عشره
والله مانـي بـلايـم غـيـر كـثـر الجـهـل&&يالله تسامـح عميـل الخـيـر وتيـسـره

العميل
لو قلت عنك زحـل انـا اشهـد انـك زحـل&&الارض وجبالـهـا والنـجـم مـــن مـنـظـره
اليا غدت في عيون النـاس مثـل الجبـل&&ودك ليا شفت لك شايب كسرت اظهره

القسوره
لا تلتفت بالزمل وتقووول وين الفحل&&خابرك جمال وان طـاح الحيـا تذكـره
ياشين قبلك لو لسانك ينقط عسـل&&وشلوون ماترحم الشايب ولااتقـدره

العميل
لو مدفع النفس بالمعروف قلت اتكل&&اضرب بها راس حيد الضلع والاكسره
لو شايـب القـوم غيـر ماكتبـه النـذل&&كـان اتمـرا بهـا لـو مـاهـي ابمنـظـره

القسوره
انا اشهد انه زها عليك تاج العقـل&&لعـل مـن عقـبـك للـبـر والمغـفـره
القاضي حكم بالحكم اضنـه عـدل&&لكن بعض الحكي ماضن فيه ثمره

العميل
السلم اللي عليه القوم مثل النمل&&من يظهره ياطويل العمر من يظهـره
قل لـابوعواض كان عطوه دورالبطـل&&لاتشاركه بالبطولـه بنـت متمخطـره

القسوره
وان كانه امزكين نفسه بشاعـر شمـل&&وهـووو لحالـه مابيـن الذيـب والكـنـدره
يابن الحلال انت لا تلف العسل والبصل&&الـي مايثنـي علـي العربـان ماتشكـره

العميل
من ما سكن بالقصور ولاسكن بـالفلل&&مايـرعـب الـقــوم لازولـــه ولاحـنـجـره
امــا تبـخـر بـعـود او جــاك وهــو ثـمـل&&يــارب ذنــب العـبـاد برحمـتـك تـغـفـره

القسوره
بالامر ماتمتلـك ناقـه ولا لـك جمـل&&صوتك مع هوشة القصمـان لاتكثـره
ياليت عندك صبر ايووب مانت بعجل&&شفني ليـا وقـع العصفـوور ماطيـره

العميل
يالقسوره لو نشخص مابقى من اللعل&&لـو كـورة الثلـج كبـرت جـاءت مدحـدره
المشكه انك قطعت الحبل عقب اتصل&&ولاانـت مافيـه علمـن ماوصلـك اخـبـره

القسوره
الدرب سكة قطار ابدوون همزة وصل&&وانته لاهالحين عيينك ماعليها غبـره
انا ادري انـك تبـا ترقـا الجبـل بالحبـل&&لكـن راس الجبـل مافيـه غيـر صخـره

العميل
يالصاحب اللي على ماقيل مانت بـخبل&&الرميه اللـي ماصابـت ذيـب هـل تذعـره
ولا القمـم كـذ رقاهـا صاحـبـك بالفـعـل&&والا انــت بـابـن تـخـارج مـعـه لا تـــدوره

القسوره
اثره صحيح ان فيه امـن الهـوا ماقتـل&&لاشفت قيس وتأبـط شـر والشنفـره
دووبك علي الظلع دامنك نويت الزعل&&كـانــك تـبــي تـرجـفـه بالله لاتـعــوره

العميل
يالقسوره في المواقف نوب زين الثقل&&وان كـان مريـت ابـن عطـوان لا تصـوره
والضلـع خلـه لـبـن لادن كثيـر الحمـل&&امــــا يـفـجــره ولا بـدريـــــل احــفـــره

القسوره
السالفـه بينـنـا تـبـي كـريـن وشـبـل&&وسكسين ديزل مع مقطووره وقاطـره
وان طعتني خلهـا مـن بيننـا تشتعـل&&ان كان مال التفاهم مع طرفنا شجره

العميل
اقـول انـا كـل شـئ بـوضعنـا محتـمـل&&مـاودي اشعـل فتيـل اوضـاع مدهـوره
لو شفت شخصيتك ماقلت لك منتحل&&القسـوره فـي عيونـي باقيـن قسـوره


القسوره
طاح الحطب مابقـي بينـي وبينـك جـدل&&لـكــن مـلــف الـقـضـيـه ذاك لاتـسـكــره
وان شفت طير الحمام الي يحب الزجل&&ادخـل علـي الله عـن الاغـصـان لاتـذيـره




أرجو أن ارى تفاعلكم

و دمتم بكل خير .

الرابط http://www.bani-3abs.net/aa/showthread.php?t=72810

الموضوع الأصلي: توصل للمعنى وأصبغ لونك--فقط لاصحاب اللون الاخضر | | الكاتب: تراتيل حرف | | المصدر: شبكة بني عبس

[(ابوعواض)]

قل لـابوعواض كان عطوه دورالبطـل&&لاتشاركه بالبطولـه بنـت متمخطـره
هههههههههههههههههههههههههه لازم الحشي

محاوره طيبه والمعنا ان ماخاب ظني هنا

العميل
لو مدفع النفس بالمعروف قلت اتكل&&اضرب بها راس حيد الضلع والاكسره
لو شايـب القـوم غيـر ماكتبـه النـذل&&كـان اتمـرا بهـا لـو مـاهـي ابمنـظـره

القسوره
انا اشهد انه زها عليك تاج العقـل&&لعـل مـن عقـبـك للـبـر والمغـفـره
القاضي حكم بالحكم اضنـه عـدل&&لكن بعض الحكي ماضن فيه ثمره



الله يعطيك الف عافيه لاهنت ياخفايا قلم

فضفض ^_*

[تراتيل حرف]

نورت ابو عواض يعني انت اللي يحشون فيك ( المقصود )

شكرا على المرور لاهنت وننتظر تحليل اخر

لك تحياتي


فضفض 2

*

[المعزب]

ياسلام عليك ياخفاياقلم الله يعطيك العافيه

فكره رائعه بس من يضمنك لاتسرب المعنى ههههههههه

[تراتيل حرف]

يالمعزب مدام كلكم تعرفون المعنى يالشعار فرضا

ليه ماودكم تقولونه لنا بنستفيد


ولا تعانون من مشكله او ان فيها حرام ولا شي ههههههههههههههه

الضمان لـ ابوعواض الا اذا ماترضونه انت تضمني

حنا هنا نلتقى لنرتقي هذا هو الهدف

[بعيد الهقاوي]

مشكور والله يعطيك العافيه على الموضوع انا اتوقع ان فيه سالفه صايره بحزب العمده لكن المشكله ماني عارف وشي السالفه لاني ماحضرت القصه وابوعواض له شغل بالسالفه والعميل السري يناقش القسوره فيه وقال القسوره بالامر ماتمتلـك ناقـه ولا لـك جمـل&&صوتك مع هوشة القصمـان لاتكثـرهاجتهاد شخصي لااكثر ولااقل يحتمل الصواب والخطا

[تراتيل حرف]

بعيد الهقاوي بيض الله وجهك حرام انك كفو

وهذ المطلوب ماقصرت ادليت بدلوك

واسم على مسمى لاهنت لك تحياتي

[بعيد الهقاوي]

بيض الله وجهك ياخفايا قلم على الكلام الطيب وعسى الله يجملنا