[العقاد]

اخواني

السلام عليكم ورحمة الله بوركاته



بداء التصويت على افضل محاورة بذكر الرقم فقط

وسوف نقوم بتثبيت افضل ثلاث محاورات فقط لمدة شهر من تاريخ الانتها من التصويت ومدة التصويت هي 15 يوم من تاريخ هذا اليوم الموافق 29/4/1431هــ
ولكم تحياتي





محاورة رقم ((( 1)))




ابو ناصر


يامرحبا ياهلا ترحيبتن وافيه حسب الاصول=فى منتدى عبس ربعى محزمى فالنهار المصطلى

يابورقبه لاتروع وانت مانته مع العالم جفول=ليامشينا سوى تبدى سوالف عسا مانت بخلى

ابورقبه




فيك البقا يابو ناصر والسوالف بين عرضً وطول**في منتدى عبس ربعي محزمي من جدها الاولي

ماني اليا شبت الهيجاء يابو ناصر عديم الحلول**والا انت صدرك من النكبات في دنياه يقلى قلي

ابو ناصر


يابورقبه طالت قرون الضبا فالصحارى والوعول =وليالقت ضلع قامت تنطحه ليـن قلدهـا الطلـى

ياصاحبى لايغرك بالخطا فعلة صغـار العقـول =شرواك يابو رقبه يعـرف ملاوينهـا ماتنجلـى


ابو رقبه



لاشفت لي ثور ينطح ضلع يالاصحاب قلت مهبول**لكن حذرا لاتبرك فاطرك يالشيخ عند اجملي

شرواكم الطيب يأهل المعرفه لكن دن الرحول**نبغى نورّد على هداج تيماء والخبر بالدلي

ابو ناصر

ليانشدناك بالله ياابيض الوجهه قلـى وش تقـول =عن شعرك اللى تصوغه بالمهمات والمخرج ملى=

الطيب مبدا رجال الطيب وانته وفى كلك فعـول=والطيبه مربحه فى سوقها روح وانـت الاولـى

ابو رقبه



ياصاحبي يابوناصر رحلتك عدت ثلاثين حول**لو مذهب الشافعي مايتفق مع مذهب الحنبلي

احيان اشوفك تدل الدرب لكن نوب عيناك حول**لكن على قولة الامثال كفً مايدسمّ خلي

الموضوع الأصلي: بداء التصويت ادخل وصوت لافضل محاورة بالرقم فقط | | الكاتب: العقاد | | المصدر: شبكة بني عبس

[سعد الشقل]

محاورة رقم (( 2 )))



زلزال الرعود

سلام الله سلام المعزه والمسره=على عبس النقا والرياده والقياده
فلاحة زارع الخوخ لحقتها المضره=بعد ما لاح برق الامل واحرا براده

الكابتن

هلا يا مرحبا والبحر لوله ودره=على بنت الهوى من يد الكبتن قلاده
يلوح البرق والغيث ما شوف له جره=عسى الفلاح يلقى الزهر داخل بلاده

زلزال الرعود

انا بنشد عن الكابتن نجوم المجره=عسى نجوم المجره تجيب النا الافاده
عسى الفلاح خيره يلادي عنك شره=ثلاث سنين ما شفت نقص ولا زياده

الكابتن

يا كذب اللي ينجم لو التنجيم فره=لو يخاطب زحل مع عطارد ببتعاده
مدام انك تعرفه تمره ما نمره=أكيد أنك تميز خطاياه ورشاده

زلزال الرعود

أثرك اتناظر أقريب يا طياره مره=وعينك في نظرها مثل عين الجراده
احسب انك ليا وحيت وصفي ما تغره=بعد هذي ما نعطيك يالكابتن شهاده

الكابتن

يا كثر اللي عسى الوالده ما تذوق حره=يحسب انه مهيمن وفي يده السياده
انا ما اغبط زلزال لا كني ما ابره=عسى ما هو من اللي حديثين الولاده

زلزال الرعود

مع الجو الضبابي يا كبتن خوذ فره=مدام السرعه الزايده طبع(ن) وعاده
وانا ما كرهك طبعك ما هو طبع المكره=ولكنك تأثرت في حرب الاباده

الكابتن

أخاف البرد يذبحك مير الثوب زره=معي بالطايره لا تدور للوساده
تحب وتكرهه الناس قدمك مستمره=عسى عندك على رحلة الكبتن جلاده

زلزال الرعود

يا راع الطايره ما معك مثقال ذره=من علوم البدو غير عيدان العراده
ترا الفرسان ما تنوخذ بالحرب غره=ولو يوخذ زعيم العرب يبقى شداده

الكابتن

يا راع الجيب بالله كر الخط كره=وخلك بين جرف الشعيب والحماده
أحسبك جبت علم البخاري وابو هره=أثرك الشاوي اللي على ملحه وزاده

زلزال الرعود

انا مودي أخطي ولا ودك تشرهه=جماعتنا عزمونا على افراح السعاده
حضرنا مثل ما تشوف والدعوه مبره=انا وياك ما واحد(ن) حصل مراده

الكابتن

ما ذمك والمعزب عسى يكفيك بره=على هاللون خلك معه باره وهاده
تشيل القنبله يا بدوي وتقول صره=على نيه يسمونها نيه قراده

زلزال الرعود

لو ان الكون ما ضاق في بحره وبره=على شاني ولكن حرام الاستباده
تعرف الحاجه اليا أبتلك تصير مره=انا محتاج للي توصلني جواده

[العقاد]

محاورة رقم ((( 3 )))


مشعل الخياري


يامرحبا في شبكة العز والجاة **** بني رشيد مطوعين الرجالي

يا صاحبي قرب وشلي بتبغاة ** عطني علوم أهل الفخر برتجالي


بعيد الهقاوي


دام البقا والعز والخير تلقـاه=عند الرجال اهل القنا والسلالي

اللي عزم ضيفه من البن قهواه=وانت المعزب يارفيع المعالـي



مشعل

تقلط علي المركا وعلي فطحت الشاه &&& وفنجلك فنجال من ذا الدلالي

وهذي عاويد عبس بالعز تبداه **** وماقلتلي وشهوة سبب هل ملالي



بعيد الهقاوي

لك مثلها لاجيت صاحبـك تنصـاه=لـوه حلالـك مايشابـه حلالـي

الذيب لامن راح ماتقصـر خطـاه=اصرف ذهب وش لك بجمع الريالي

مشعل


تو زان مبداها وتو زان مرماه ورفع مقامك فووق رووس الجبالي

والله شرع بالتسميه بذبحت الشاه والعرف وشيمه رصيد اليالي



بعيد الهقاوي


اللي معه عقلن على الطيب قـداه=لكن خلك فـي حسيـن الظلالـي

الذيب لامن جاع تسمع صدى عواه=يذبح من خيار الغنـم لا التوالـي



مشعل الخياري

يالي تعرف إن الزمن مر مصفاه ** قلي وش الي جاك ياهملالي

عازلله إني محتمي الموقف اقصاه *** لكن والله لضبط الاحتلالي


بعيد الهقاوي


دامه ترفـق معـك لاتكشـف غطـاه=يحرقك لفحه ثم تقعد تلالي

لوكـل مـن وده يحقـق لمشـهـاه=لاصبح بعير البـدو ضمـن الجمالـي



مشعل



ماهو بنا اللي كل مجاه مشاه *** انا ولد سبع الرجال العلالي

اللي لهم في صفحة المجد محراه **** والعرف يبقى عرف مهما اليالي



بعيد الهقاوي

دام الزعيم اصله رشيدي ومرباه=بيت الخياري فخر يابن الرجالي

ان كان تبغى المجد محد ينساه=يكمل فعـول الاوليـن العيالـي



مشعل الخياري

هذا زعيم الشعر وشعر سماه ولافيه قاصر بالرجال الجزالي

عاز الله انك ذيب من ساس مرباه ** والطيب ينبع من قروم الخوالي



بعيد الهقاوي

الله يحفظ اعلامنا واحفظ اوصاه=مني وسر واظهر لاجالك مجالي

مافيه زودن عنك والغيم من ماه=يسقي ديار القوم واسقى السهالي

[سعد الشقل]

محاورة رقم ((( 4 )))



السبع الضاري

صلو على محمد رسول الله=وأستغفرو خلاقنا الباري
يا صقر عبس الدين والمله=ايحبها سبع الخلا الضاري

يعقوب العبسي

أحسنت يلي تدمح الزله=عن ربعك الغالين واجباري
اسمع كلامي زين وأفطنله=جيتك نيابه والشقل داري

السبع الضاري

قدم لنا الفنجال والدله=واللي يقدر ربنا جاري
الهاف الاحمر زاهي السله=ياما وياما صارله طاري

يعقوب العبسي

أبشر بعلم(ن) يبري العله=يالتاجر اللي بايع وشاري
مالي سوى هالهاف والحله=ايام ورحل عن هوا داري

السبع الضاري

الطيب فيكم طبع وجبله=أقولها ويقولها غاري
لاشفت هافك حي هالطله=اجيك من زود الوله ساري

يعقوب العبسي

يابو عروق(ن) خضر مبتله=مانته من اصل المعرفه عاري
الهاف هافي واكثر الشله=من ربعك الغالين يا زاري

السبع الضاري

ظن الاثم يا صاحبي خله=في شي ماهو زين لا تماري
سبع الخلا لو بين الذله=لا تامنه والليل سماري

يعقوب العبسي

ظن الاثم ما جيتله كله=ركز معي يالكاتب القاري
انت السبع لكن بك خله=لاشفتني تنحاش بالقاري

السبع الضاري

شفتك تكسر داخل الفله=وازعجتني بالحيل يا جاري
من موترك كني على مله=ترفع شعارن ماهو اشعاري

يعقوب العبسي

بسم الله الرحمن بسمله=السبع قام ايزود اخباري
اطروس جدبا واروته غله=تجذب من عدود الهوا الذاري

السبع الضاري

ذقت الطعام اللي على حله=بارود شرف وفرخة أسواري
ان كان درب اسلافك ادله=الليل والله يسعد الساري

يعقوب العبسي

لا تلتوي في هرج صاحله=واحملك بحمول الاسفاري
اللي يعلمك السنع قله=غادى لحتى قص الاعماري

[سعد الشقل]

محاورة رقم ((( 5 )))




ابو عواض

سلام يا غازي وانا مغزاي ماهو من قريب=مغزا علي مد النظر يا طيب من يفطلها
يا غازي العربان ولت من فعايل هالعجيب=اللي يدمر في قلوب الناس يله حلها

غازي

يا مرحبابك يالمسلم والوعد مفلا العزيب=اما تروح كلها والا تخسرها كلها
وش لك وسرك عند غازي حاذفه وسط القليب=سود النوايا لو تعارضك نصيحه خلها

ابو عواض

قالولي انك شاعر(ن) فلته ولك عقل(ن) لبيب=من وين ما وجهتها كل الدور ادلها
حطيت انا الحبه على النيشان والمعيار ذيب=وهالحين هات النا المعاني دقها مع جلها

غازي

انا تراني مؤمن ان المعرفه حظ ونصيب=وفجوج صدري كم سنه وبل المطر ما بلها
اسج رجلي مع فيافي نجد ادور لي ذهيب=وجروح قلبي كل ما زادت قعدت املها

ابو عواض

أصبر عليها وادع رب الكون يا غازي يجيب=قبلك أبو عواض واردها وساري ليلها
قطع الخرايم ما يداوي الجرح لو انه عطيب=نصامخ الدنيا بحكمتنا ويفنا حيلها

[العقاد]

محاورة رقم ((( 6 )))


صميدع راس

الليلة الليلة صميدع حضر فالوعد ماغاب=نادوا لنا ياربعنا شاعـر ناخـذ علومـه
وان كان ابوزيد الهلالي تغيب نادوا ذياب=مايفرح الرجال ياغير مثله من خصومه

المرتكز

لاتحسبـن الملعبـه باالطلايـب والتطـلاب=قرب وتلقالك عميـلً تشـرف فـي قدومـه
وان تاب راع الحب صاحبك عن مافات ماتاب=المرتكز فـي دربـه الـي تخبـره



صميدع راس


عمك صميدع انتهـض بعـد ماشافـك ولاهـاب=انحرفـت النيـة وكـل يغلـق فــي لـزومـه
انته جلبـك الحـظ قـدام راسـي وانـت جـذاب=مثلك ليا شافه صميدع وقف وانزاح نومه


المرتكز

المرتكز ماله ترى عنك تـال الوقـت مجنـاب=يلي تحدالك صقر وانت شكلك شكل بومه
لاكن وش فعلك ليا الصقر جاك براس مخـلاب=ماتنفعك عينك ولو كبرهـا حاصـر همومـه


صميدع راس

لاوالله انت البوم يابوم ياللي جيت من غاب=صحيح ماقال المثل فيه معطى ومحرومـه
البوم مثلك مافعل غير يفعل فيـه ماعـاب=ياليت مثلك ماتعـرى وساترتـه هدومـه



المرتكز


ابنشدك ياويش بنتـن لهـا خاطـب ونهـاب=والي نهبها يسبق الي خطبهـا فـي لزومـه
مابين حرف الراء وحاء بينت كاالشمس ياشاب=احدن سلم منها ومن طاعهـا مـاذاق نومـه


صميدع راس

انته علامك نوب صادق ونوب تصير كذاب=ابلشتنا وانته تدور على صميـدع ترومـه
هاذيك مثل اللقمة اللي تشاوت روس الانياب=السم فيها والبلاء والعـرب الهـا خدومـه


المرتكز


جبت الحقيقه كامله مير مثلك بـاع ماجـاب=باعه بخنزيرن بلش فيه ثم خبا لحومه
الروح هاذي جعل روحك تروح بكف قضـاب=المبتلش لاضاق صدره يبـا يعلـن هجومـه



صميدع راس

اللي يقول الحق ماقالوا العربان نصـاب=وانته تبيع الثوم وانا مااحبك يابوثومـه
تدعي عليه بعد ماقرصك في ظهرك الداب=لاشافت سوق الباع غالي تشطر لاتسومه

[العقاد]

محاورة رقم ((( 7 )))



عايض صالح

ياسلام الله على اللي برَ صحبة والديَنه=ماتهاون في ماقال الله وماقاله رسوله
يامرابيع المقامه يامجاديف السفينه=يالمحيط الفارسي واليعربي عروضه وطوله

البرمكي

ياسلام الله على اللي حافضن سلمه ودينه=بعد لبا مطلب امه والابو لين وسهولـه
يامرابيع المقامـه باليـال اللـي ثمينـه=يالمحيط اليعربي قـدام لشيعـي يقولـه

عايض

البقا بك وأحسب المسرى على خط المدينه=ودنا ناخذ بدار المصطفى يالشيخ جوله
أنت في حاجه عقب دارت رحاها للسكينه=يالعراقي وش علوم الدار و علوم الحموله

البرمكي

ماعليش اسري معك واتجربه لرجل زينه=وكان زانت خوتك قلت انت كفون لرجوله
ماش حاجه والضلوع بقدرة المولا متينـه=والعلوم تسركم والمعتدي هزمـة فلولـه


عايض


أمس أبو وزره وش اللي صار من بينك وبينه=يوم كلاً في ذرا الثاني يبي يشعب ذلوله
والعرب مايجهلون العلم ياللي جاهلينه=ليه خليت السوالف من معانيها مغسوله

البرمكي


ابو وزره نيته بيضـا وحنـا عارفينـه=ولاحصل بيني وبينه غير خاشرته افوله
ماجهلنا شي وظنون العرب دايـم لعينـه=ذكرم الاعاراب بكاتب الولي حزت نزوله


عايض

أبك عمك من فعايلكم تعاف النوم عينه=أبتلش فيكم عقيد القوم والناس أفطنو له
شيل عفشك يابو برمك للعراق ورافدينه=مابقى لك في ضواحي نجد بيت ولا سيوله


البرمكي


عمي اللي لو تشوفه ماطلعت مـن الكبينـه=يرتعد قلبك من اظلاله قبل لاتشـوف زولـه
مانشيل العفش حتى سير عايـض داهنينـه=ولا دهنا سير عايض رحت كاسب لي بطوله


عايض

عمك اللي تذكره مثل القعود مرسنينه=عقب ماهو في زمان الجاهليه تقل دوله
أنتبه من عايض اللي بالمواقف خابرينه=كل ماصارت عليكم قلت مثل اللي نقوله


البرمكي

عمي اللي عز راسك ورتفع مال الخزينه=لو تعزوى لالممات الشيخ ماتاصل فعوله
ماعرفنا عايض الااليـوم مدلنـا يمينـه=وعنصرو ربعه معه وياقال بيتن صفقوله

صالح

البلاد أخوان نوره يالعراقي حاكمينه=لو بغيت اللي تريده يالعراقي ماتنوله
وأن جهلت الشيخ عايض تابع أذاعه جهينه=عندها العلم اليقين اللي هل الدار اشهدوا له

البرمكي

ونعم باخوان نوره بس عايض ماهنينـه=كل مايبغا الطلوع من المشاكل حبلولـه
ابك انا ماعبد جهينه يوم مثلك عابدينـه=انت نشدهم وجيب العلم واعطيك العموله

[العقاد]

ناطرين تصويتكم