[اخوصلــــفه]

يالربع من عين صميدع راس=مبطي ولاشفته في الديره
عساه سالي من جميع الناس=ماهوب من جرف بدحديره
تال الزمن مايقضبه مجلاس=مفتون طالت به مشاويره
بلاه قلب مرهف حساس=قلب خضر مالت نواويره
يلعبه الغربي مع النسناس=لاهب طراله مساييره
ابوالعيون السود والنعاس=اللي حشاء ماطاب له غيره
درب الهوى درب بدون قياس=يفوق كل الوصف تصويره
يقوله اللي ذاق مر الكاس=باول شبابه مز تعميره

الموضوع الأصلي: صميدع راس قلبه خضر من عينه | | الكاتب: اخوصلــــفه | | المصدر: شبكة بني عبس

[البرمكي]

اقتباس من مشاركة اخوصلــــفه يالربع من عين صميدع راس=مبطي ولاشفته في الديره عساه سالي من جميع الناس=ماهوب من جرف بدحديره تال الزمن معاد له مجلاس=مفتون طالت به مشاويره بلاه قلب مرهف حساس=قلب خضر مالت نواويره يلعبه الغربي مع النسناس=لاهب طراله مساييره ابوالعيون السود والنعاس=اللي حشاء ماطاب له غيره درب الهوى درب بدون قياس=يفوق كل الوصف تصويره يقوله اللي ذاق مر الكاس=باول شبابه مز تعميره

الله يعقله علاك ولكن اسمع العلم السمعه

العمده الثاني شربله كاس = وزع على الموقع مداويره
صاحبك طاح الفاس وسط الراس= مثلك اضنه شاربن بيره ههههههه
مثلك اضنه صار فيه عماس = ياللي تبيع المسك بشعيره
وينه واين الحب ياعباس= حالت على راسه مقاديره
ناطح جموعن يطلب النوماس= في غزوتله ماكسب خيره
وطشوه ناسن تتعب الافراس= يوم الحرايب كنها النيره
وامانت لاتضرس علينا اضراس= يالعمده اللي بان تزويره
تصبح مثل عباس بن فرناس= اللي بغا الطيره مثل طيره
وحول على صم الصخر بالراس= وصبح مثل لناس تدبيره

[ناصر خنيفر]

الله يرحم صميدع راس على ماضن انه قتل كما تفضل البرمكي بالحرب الاخيره بين حزب العمده وحزب المسترزقه على الزين عزالله ان علمه غانم ولكن هذه حال الدنيا ادعله باللجنه ياخو صلفه

[وضاح اليمن]

الله يرحمك يابو الروس اسمحولي ارثيه في هذه الابيات

مرحوم ياللي راسك اقوى من الحيد= لو نضربه بالحيد ماطلع ادميه
حان القدر في يوم ثالث من العيد= وفي دبرة الله مالنا مقدريه
بالمعركه فعلت فعل الصناديد = مابك رداء دايم عزومك قويه
بس الكثر يغلب وفعل الاواليد = طشوك وانت فوق ظهرالمطيه
والراس قص ولا بقا الا الجلاميد = مرحوم يارجلٍ يقدر خويه
ينعاك اخو صلفه وكل الاجاويد = وينعاك ابو وزره وكل البريه
عساك باللجنه مخلد بتخليد = وتمحا ذنوبن كبر قاره طميه

[(ابوعواض)]

الله الله

عاشو والله وصح الله لسسسسانكم جميع

وافي ياخوصلفه بيض الله وجهك يالعمده الثاني

[ناصر خنيفر]

اقتباس من مشاركة وضاح اليمن الله يرحمك يابو الروس اسمحولي ارثيه في هذه الابيات مرحوم ياللي راسك اقوى من الحيد= لو نضربه بالحيد ماطلع ادميه حان القدر في يوم ثالث من العيد= وفي دبرة الله مالنا مقدريه بالمعركه فعلت فعل الصناديد = مابك رداء دايم عزومك قويه بس الكثر يغلب وفعل الاواليد = طشوك وانت فوق ظهرالمطيه والراس قص ولا بقا الا الجلاميد = مرحوم يارجلٍ يقدر خويه ينعاك اخو صلفه وكل الاجاويد = وينعاك ابو وزره وكل البريه عساك باللجنه مخلد بتخليد = وتمحا ذنوبن كبر قاره طميه

مشكور يابو وساح على هذه المرثيه وانت دايم علمك معنا طيب

[رائد الذيابي]

هههههههههههههههههههههههههههههههههههه

يابطني بطناه ..ياكبدي كبداه

يا صليـفآن انا لقيت كراع ابو راس ورا هاك الضلعان
رح لملم شتات خويك والحزب كله
حزب الفلس

[اخوصلــــفه]

اقتباس من مشاركة البرمكي الله يعقله علاك ولكن اسمع العلم السمعه العمده الثاني شربله كاس = وزع على الموقع مداويره صاحبك طاح الفاس وسط الراس= مثلك اضنه شاربن بيره ههههههه مثلك اضنه صار فيه عماس = ياللي تبيع المسك بشعيره وينه واين الحب ياعباس= حالت على راسه مقاديره ناطح جموعن يطلب النوماس= في غزوتله ماكسب خيره وطشوه ناسن تتعب الافراس= يوم الحرايب كنها النيره وامانت لاتضرس علينا اضراس= يالعمده اللي بان تزويره تصبح مثل عباس بن فرناس= اللي بغا الطيره مثل طيره وحول على صم الصخر بالراس= وصبح مثل لناس تدبيره

اسمع يالكاولي اسمع :

العمدة الثاني صليب الراس=يالبرمكي اسمع تقاريره
كلام مايكتب على قرطاس=في شاشة المحمول تعبيره
البرمكي بين العرب بلاس=اليوم شفته نافخ كيره
الكذب طبعه والعرق دساس=راحت تدابيره تداميره
عمك صميدع حي مابه باس=باكر تبا تاصل مظاهيره
ثمن يطيح الراس وسطه فاس=ونعطيك لديوان تاشيره
شغلك مابين البن والمحماس=وتصب فنجال للمساييره
امثال ابوعوجه وابونواس=كل واله قدره وتقديره