[مرشد الصقعان]

أدري واعرفك ماتحب المخاسير=وماعاد تنشد صاحبك ويش أموره
وما ودك تخسر جهازك دنانير=وأنا حياتي يا الحبيب معسوره
ياما على شانك ورود ومصادير=وياما على شانك ذلولي صبوره
ذلولي اللي كل ماقرب عصير=أسجها والدار شبه مهجوره
تطيعني لا قلت يمك مسايير=والساتر الله والديار مخبوره
أطوي على شانك أطوال المشاوير=من الحفر لديار سلمى ونوره
أرخصت روحي للعناءوالمقادير=وقلبي من الفرقا همومه تزوره
حلفت غيرك مانبيهن غنادير= واللي عذلني عنك ماسمع لشوره
وتخطي علي وماتجيب المعاذير=لكن من عندي تراك معذوره
ولياطريتي فلت يذكرك بالخير=وشهر رمضان الله يعود شهوره
ياللي على شوفك نسوق التباشير=دوبك ترى حالي عليها خطوره
وكانك تبيني لاتشمت بي الغير=وأحفظ اغيابي والعهد لاتبوره
وأخذيني الفزاع وقت المعاسير=وأخذيني اللي وافيات(ن) أشبوره
وكانك تبي فرقاي تصبح على خير=تلقى بدالي والذنوب مغفوره
هذا كلامي وأحفظه للمقادير=وماقال ابن صقعان وضح أسطوره
كتبت لك من دم قلبي تعابير=وكل(ن) على ماقيل يبدي اشعوره

الشاعر/ مرشد الصقعان

الموضوع الأصلي: سلمى ونوره | | الكاتب: مرشد الصقعان | | المصدر: شبكة بني عبس

[حــزام]

بيض الله وجهك يبن صقعان على هالقصيد الجزل
ماشاء الله عليك شاعر جزل ولا فيك حيله
صح لسانك

ولاخلا ولاعدم

[ابن صقعان]

بيض الله وجهك قصيده رائعه وبنتظار جديدك

[أثير الشوق]

صح لسانك واعتلا شانك

اخي الكريم الشاعر مرشد الصقعان اهنيك على هذه الرائعه
ابداع تشكر عليه وان شاء الله دوم تتحفنا بروعة قصائدك
تقبل مرور اختك ودمت بخير

[قسورة الغاب]

صح لسانك واعتلا شانك

اخي الكريم الشاعر مرشد الصقعان اهنيك على هذه الرائعه ابداع تشكر

عليه وان شاء الله دوم تتحفنا بروعة قصائدك

اخوووك القسوره بأنظار جديدك

تحياتي لك

[ذيب الوسعه]

صح لسانك واعتلا شانك

اخي الكريم الشاعر مرشد الصقعان اهنيك على هذه الرائعه
ابداع تشكر عليه وان شاء الله دوم تتحفنا بروعة قصائدك
والله لايهينك وتتقبل
تحياتي ذيب

[مرشد الصقعان]

الشكر موصول للجميع
وشهادتكم تاج على راسي
والله لايهينكم.....

[(ابوعواض)]

ماشاء الله عليك


شاعر جزل ومتمكن