[محمد العتـيبي]

السلام عليكم ورحمة الله وبركاته ..

لادع القصيدة تتكلم وبعدها ارائكم ..


مبروك ياللي لكم في المجد والطالة ..
ربعي عتيبة قروم المجد وابطاله ..
حنا المعالي وحنا الجود ورجاله ..
والعز من والي التقدير سبحانه ..
حنا ليا شانت الاوقات ثم جينا ..
عين العدو ترتعب مثل الشياطينا ..
اركد عسى لك من اهل الجود تابينا ..
والعز من والي التقدير سبحانه ..
مبروك في محفل العالم تشرفنا ..
والله يا لابتي والله تنومسنا ..
في فعل فنجال والروقي تصدرنا ..
والعز من والي التقدير سبحانه ..
اكبر شرف لا بدا في المعضلة ماقف ..
روقن وبرقا على الامجاد تاتاقف ..
وانا هنا ياجموع الناس انا واقف ..
والعز من والي التقدير سبحانه ..
عز الرجال ولها بالطيب والعزة ..
رجال ماتبحث التبجيل والرزة ..
تدور الطيب لاهل الطيب وترزه ..
والعز من والي التقدير سبحانه ..
قاله محمد ومانافى حقايقها ..
جاب الحقايق وكملها وبرقها ..
والعين ماتنظر الا من ينافقها ..
عين الحواسيد جعل الرب يعميها ..
عين الحسود نظَرت والوقت قابلها ..
تلعن خطاويه يوم الناس هبلها ..
جا عندها في عيونه لين قبلها ..
عين الحواسيد جعل الرب يعميها
لو قال ماقال ماظني ينافسنا ..
خل التكلم له وناظر فعايلنا ..
من طيبنا والي التقدير جملنا ..
عين الحواسيد جعل الرب يعميها
لا جبتها مانظرت اللي على فالي ..
جبت المزايين والشرد وابى غالي ..
لعيون ربعي بغيت اشيد العالي ..
عين الحواسيد جعل الرب يعميها ..
ان كان قال العدو يفرق بنظراته ..
والله ماننظره ولا لكلماته ..
خل الرخوم تهرِج تكفيك وقفاته ..
عين الحواسيد جعل الرب يعميها ..
وضحن لها في الجمال انواع معروفة ..
تقول للعز واهل العز مغروفة ...
ماهيب سهلة حشا ماهي بمالوفة ..
والعز حنا لنا بالعز سيسانه ..
والشعل يازينها ياطيب النية ..
تبرد قلوبهم كان انها حية ..
ياللي تشوفون بعض اخبار سرية ..
والعز حنا لنا بالعز سيسانه ..
ورث الجدود ولها بالقلب تقديري ..
عنها ندوس الخطر ونحط ونسيري ..
ياكم عرفنا معاها الجود والخيري ..
والعز حنا لنا بالعز سيسانه ..
النا الفرايد لنا والعز غايتنا ..
النا مع اهل الوفا والجود منزلنا ..
اسال ديار الكرم والجود تعرفنا ..
والعز حنا لنا بالعز سيسانه ..
مبروك يالابتي تبريك عتباني ..
قومن لها بالفخر والمجد سيساني ..
والوقت يشهد وهذا السيف شاماني ..
والعز حنا لنا بالعز سيسانه ..
في ظل حكم السعود الله يسلمهم ..
قومن على فعلهم والله نعاهدهم ..
من طيبهم كل الاريا تنوخذ منهم ..
والعز وحده عتيبة ماينافيها ..
وختامها ياهل الامجاد تسليمي ..
جبت التي ترضي التفكير وتهيمي ..
ياليت تقبل من محمد كتكريمي ..
والعز وحده عتيبة ماينافيها ..


محمد العتيبي

الموضوع الأصلي: عتيبة وفنجال وابن قشعاان .. | | الكاتب: محمد العتـيبي | | المصدر: شبكة بني عبس

[سيف المهيمزي]

صح لسانك
والنعم فيك وبقبيلتك
والف مبروك

[برق الوسم]

محمد العتيبي
صح لسانك .. ونعم فيك وبربعك ..
لاهنت يالغالي ..

[محمد العتـيبي]

يعطيكم العافية وماعليكم زود ياعبس ..

[عاشق الذكرى]

مبروك ياللي لكم في المجد والطالة ..
ربعي عتيبة قروم المجد وابطاله ..
حنا المعالي وحنا الجود ورجاله ..
والعز من والي التقدير سبحانه ..

صح لسانك يالعتيبي ولا هي غريبه بالعتبان

[حــزام]

صح لسانك يامحمد

ونعم فيك وفي ربعك

[محمد العتـيبي]

مرحبا بالجميع وصحت ابدانكم ولا عليكم زوود جميع ..

[محمد2009]

صح الله لسانك
ونعم فيك وفي ربعك