[الغطفاني]

•·.·°¯`·.·• ( منك السموحة ) •·.·°¯`·.·•

منك السموحـه والعـذر ياضنينـي
النفس طابـت ليـن قلبـي عذرهـا

ماعـاد باقـي شـي بينـك وبينـي
وانكان لك حاجـه تعـال اختصرهـا

اخذت من عمـري حـلاوة سنينـي
كافي علـى قلبـك اليامـن ذكرهـا

غصب الفراق يصير ماهـو بدينـي
اقـدار مكتوبـه ولاحـد(ن) قدرهـا

توك تجي .. واتقـول انـك تبينـي
وين انت يوم النفس تشكي كدرها ؟؟؟

كنـت اترجـى تتصـل يـوم فينـي
كنت بحياتي غير .. قبـل اتهجرهـا

خـلاص لا تتعـب قدمـك وتجينـي
كنت احترم جيّتك .. وصرت احتقرها

سبحان مـن خـلاك عـادي بعينـي
من عقب ماكنت انت تسوى نظرهـا

•·.·°¯`·.·• ( ياكثر شرهاتي ) •·.·°¯`·.·•

ياكثر شرهاتي عليـك انـت بالـذات
والا علـى غيـرك تراهـا قليـلـه

تعبت اجي بسكـات واروح بسكـات
ساكـت وانـا متنـي حمولـه ثقيلـه

مرات احس انـي لحالـي ومـرات
احـس مسنـود ٍ بجـيـش وقبيـلـه

عشت بمتاهـه غيـر كـل المتاهـات
كانـت مفيـده بـس ماهـي جميلـه

عرفت منها كيـف طعـم الخيانـات
وشلون ترخصـك النفـوس الذليلـه

خسرت .. لاوالله فدتـك الخسـارات
ياغـلا مـن الدانـه بعينـن بخيـلـه

ماقلت لـك قصـة بعيـد المسافـات
اللـي معـه بشتـه وسيفـه وخيلـه

ضحى بهم منشـان سـود ٍ وسيعـات
الله يعيـن اللـي مـفـارق خليـلـه

جيتك اشيل من التعـب كثـر مافـات
طرقي وهـدت سـود الايـام حيلـه

خذني من ايديـن الحـزن للمسـرات
ليله معـك عـن الـف ليلـه وليلـه

صوتك لحاله غير عن كل الاصـوات
وش غير ؟ حتى الغير ماهـو مثيلـه

غير انت وصوتك غير والشوق مامات
وتلومنـي لاجيـت قلـبـي اشيـلـه

دايم ترى اهـل القلـوب الحزينـات
تنشد عن الغالي وتجـي تشتكـي لـه

علاقتـي ويـاك غيـر العـلاقـات
لـو كـان ماهـي ياحبيبـي طويلـه

اشره على الغالي عليك انت بالـذات
والا الرخيص رخيص ماني بجي لـه


•·.·°¯`·.·• ( المفارق ) •·.·°¯`·.·•


الليلـه هـذي واضـحـه ليـلـة افــراق
حـاولـت اعديـهـا وعـيّـت تـعــدي

اظــروف ماتنـطـاق ولا راح تنـطـاق
صـد القـدر ماهـو بـصـدك وصــدي

تعـال اخذنـي بـيـن ايـاديـك مشـتـاق
قـبـل انتـفـارق حــط يــدك بـيـدي

بجلـس معـك ساعـه حبايـب وعـشـاق
مـن بعدهـا كيفـك ولـو صـرت ضـدي

فينـي خليـط اشـواق باشـواق بـاشـواق
واصل معـك مـن كثـرت الشـوق حـدي

ودي ألمـك واحضنـك حضنـت عـنـاق
ياشـيـب عيـنـي كــل مـاقـلـت ودي

في خاطري .. وش خاطري ؟ خاطري ضاق
الكـون كـلـه ضــاق مـاهـو بـقـدي

حتى الدموع اللي استحـت كبـر واخـلاق
تساقطـت مـن فــوق خــدك وخــدي

لوحة شعـر تبكـي علـى بيـض الاوراق
بيّحـت فيهـا مـن ردى الـحـظ ســدي

ليلـة جفـا وافــراق مامثـلـه افــراق
حـاولـت اعديـهـا وعـيّـت تـعــدي





وصح لسانك ياثامر وشد حيلك اعلاميا .. قصائدك وصلت للجمهور قبلك .. ولو انك ماتحتاج الشهره .. لكن نبي لك التوفيق فيها

الموضوع الأصلي: ومن ابداعـــات "ثـامر شـبيب الدقباسي " الجـزء الثاني | | الكاتب: الغطفاني | | المصدر: شبكة بني عبس

[بندر الذيابي]

حقيقه مبدع هذا الشاعر


صح الله لسانه


والله يعطيك العافيه يالكويتي علي النقل


شكرا لك


بندر الذيابي

[رمـ انسان ـاااد]

صح لسانك ونقلك وصح لسان شاعرها واحساسه وبيض الله وجهك على النقل الجميل :p

بارك الله فيك


ويعطيك العافيه وابنتظار جديدك

تحياتي لك اخوووووك ////// رمـ انسان ـاااد

[عبدالعزيز الخياري]

غصب الفراق يصير ماهـو بدينـي=اقـدار مكتوبـه ولاحـد(ن) قدرهـا
توك تجي .. واتقـول انـك تبينـي=وين انت يوم النفس تشكي كدرها ؟؟؟
كنـت اترجـى تتصـل يـوم فينـي=كنت بحياتي غير .. قبـل اتهجرهـا
خـلاص لا تتعـب قدمـك وتجينـي=كنت احترم جيّتك .. وصرت احتقرها
سبحان مـن خـلاك عـادي بعينـي=من عقب ماكنت انت تسوى نظرهـا

لله درك ياثامر شبيب شاعر مبدع والله اني تمنيت انه شارك بـ شاعر المليون

شاعر قصائده قريبه إلى القلب والله يوفقه واشكرك اخوي الكويتي على الموضوع الجميل

[سعد بن عادي]

بكل تاكيد شاعر متمكن وجميع قصائده توحي بفكر الشاعر ومنهجه

اعجبتني حقيقه القصائد

ولا هنت كويتي على انتقائك للشعراء المبدعين

دمتم كما تحبون

[الهنوف]

الله يعطيك العافية على النقل الرائع للشاعر الأروع ثامر الدغباسي

دمت بخير
اختك الهنوف

[@الســفــير@]

مشكور يا الكويتي وصح لسان شاعرنا المبدع ثامر شبيب

[عيسى المويسه]

شاعر رائع


لاهنت على النقل الرائــع



لك تحيتي



...