[النمر1012]

الهنوف اللي بـلا ذنـب وخطيـه قاطعتنـي
عذرها اني لا زعلت اقسى ولا انفـذ طلبهـا
خفرت لو من غلاها فـي عيونـي طالبتنـي
والله اني لانـزع عيونـي واعديهـا هدبهـا
ودها تلمح شقاي وقصدهـا يـوم هجرتنـي
اكتب الابيات واعلن بان جرحي من سببهـا
لكن عزومـي قويـه والتجـارب علمتنـي
كيف ازيد الجرح كيه واشعل النار بحطبهـا
خلهـا تزيـد بجفاهـا علهـا لا سامحتنـي
ما تبين الشمس الا بامر من حكمه حجبهـا
وكان هي من زود حبي بايعتنـي شاريتنـي
ما اظن القلب سلعه كل مـن يبغـى جلبهـا
والله اني من رجال كـل مالدعـوه نصتنـي
سقت حالي وحر مالي لاجل اخلص في نشبها
قالو ان الحب اعمى وقسمتي هي صادفتنـي
قسمة اللي يوم جاته في حياته مـا حسبهـا
ماهي اجمل من صدفني مير بالحب اشغلتني
قصـة ماكـل كاتـب تستويلـه لا كتبـهـا
وكان تبغون الحقيقه لـو تعـدت وظلمتنـي
هي من البدر التمـام بزينهـا اتـم وابهـا
واشهد ان فيها وصوف في هواهـا ولعتنـي
حالها مع دينهـا مـع زينهـا ويـا نسبهـا
لكن انـه مايبـرر صدهـا يـوم اتركتنـي
لازم اتكون المحبـه تضحيـه للـي كسبهـا
ودام انا مديت كفي بالوفا وهـي عاهدتنـي
بنتظر واشوف عنها لانتهت مـدة غضبهـا
مير لو قبل المفارق مـن ثناياهـا سقتنـي
رشفة تبري جروحي او تخفف مـن لهبهـا
او باقل تقدير منها بكفهـا لـو صافحتنـي
وانقل جيوش المحبه من يميني في خضبهـا
والا انـا عـزي لحالـي ليتهـا مافارقتنـي

ودامني اعرف سببها يبطل بعينـي عجبهـا
ماراق اللي من قصيد

الموضوع الأصلي: عذرها اني لا زعلت اقسى ولا انفـذ طلبهـا | | الكاتب: النمر1012 | | المصدر: شبكة بني عبس

[المميز]

صــح أللسانكـــــ وأللسان شاعرها
ويعطيك العافيه النمرر دائمآ متميز

[مجهول الهويه]

ابداع صح اللسانك

[النمر1012]

الله يسلمكم وعافيكم ومشكورين علي المروررررررررررررررررررر