[عبدالرحمن العويمري]

السلام عليكم ورحمة الله وبركاته
مسكم الله بالخير اخواني اعضاء قلعة المجد والتاريخ
اقدم اليكم قصيده بعنوان(( الخيانه)) اتمنى ان تنال اعجابكم

اقفت بك الدنيا بعد ماتخيرت= درب" مشيته بالخيانه ولاجيت
مشيت من عندي ولا في فكرت=مدري نسيت الود ولا تناسيت
خابرك لامن غبت عني وسافرت =يومين وتعود تقول انك ابطيت
لكن هالمره بغيبتك انا احترت=كنك تعمدت الغياب وتماديت
مرت ثمان"سود من يوم مانكرت=قلب"على فرقاك ليله تناهيت
جرحتني وانا اللي بحبك ابحرت=وكتبت فيك بيوت شعري وغنيت
ويمن دربك تهت فيه وتعثرت=رجعت لي تضحك ولا كنك اخطيت
توك رجعت اليوم توك تذكرت=قلب"عطاك من الغلا لين مليت
ماني على خبرك تراني تغيرت=ماعاد لك قيمه ولا القلب لك بيت
بير الغلا جفت بعد ماتيسرت=وماتت عروق الشوق يومنك اقفيت
والحين توك جيت جيت وتعذرت=مالك عذر ليتك لي اليوم ماجيت

اخوكم::عبدالرحمن سويلم الرشيدي

الموضوع الأصلي: ............الــــــخــــــــــيـــــــــــانـــــ ــه........... | | الكاتب: عبدالرحمن العويمري | | المصدر: شبكة بني عبس

[هـآوي]

صح لسانك وقصيده رائعه

ويعطيك الف الف عافيه

[كاتب الرشيدي]

صح اللسانك
ياعبد الرحمن

قصيدة جميلة

مرت ثمان"سود من يوم مانكـرت

قلب"على فرقـاك ليلـه تناهيـت

[عبدالرحمن العويمري]

مرحبا اخوي هاوي صح بدنك ومشكور على مرورك

[محمد2009]

صح الله لسانك