[بعيد الهقاوي]

بسم الله الرحمن الرحيم

اقدم لكم محاوره من اروع المحاورات التي جرت ويكفيها فخرا ان يكون طرفيها الشاعر المآسي خاتم سليمان والشاعر العملاق المهم اترككم مع المحاوره

والعذر عن التقصير ودمتم:

خاتم سليمان

سلام الله على جحـدر قبـل جحـدر يجيـه المـوت=ولا هو راسنا الاول ولكن راسنا الثاني

بلاك الله بعلّـه مالها دكتوريالمبخـوت=وجحدر يالمهم يصيح ياخاتم سليمااني هههههههههه

المهم

انا وشلون ارحب يالمسلم بعد فات الفوت =وانـا ماالد عـيـني بالـكلام الـيا تعداني

هنا للند ن هنا باريس ومريكا بدل بيروت= وللدري كيف ابا القى ماتقول وكيف تلقاني

خاتم سليمان

وانا وشلون اسلم فيك وانته ماترد الصوت = وانا الشعار اجرحها واداويها من لساني

ولوانك مثل يونس بن متى دخلت الحوت = تجيب العنبره واعرف من انته لو تحداني

المهم

انا هرجي ثمين اغلى من المرجان والياقوت=وبعض الناس لويصيح لاوحيته ولا وحاني

انا خايف تذكرني قصـيد الشاعره بخوت =وخـاف اـنك تعيفني قـصيد افـلان وفلاني

خاتم سليمان

وانا شعري على صم الصفا ياصاحبي منحوت= وهرجك مـثل نار ماتعشم دون دخاني

وانا خايف تذكرني عقاب وقصته مـع نوت = واخاف اني بعد مااجيك تذكرني ماتنساني

المهم

عسى الله مايهينك والطريق بعيد شرب وقوت=ولا ياصل مرامه من مشى حافي وعطشاني

لياجـانا الـكلام ايجـيه قـدره باع ولا فوت=وهـذا لابغيت تمـرني سـيفي وذا حصاني

خاتم سليمان

انا احسبه يعمر بـيوت لـكنه يهدم ابـيـوت = عـسى الله لايبارك فيك يالبناي الافغاني

انا احـشم بني عمي ولااهـينك لوان امـوت = واناافاخر بـجـدانك مـثل ماافـخر بجـداني

المهم

ترى الصدمه مع الرفرف ماتكسر شي بالكبوت= عسى ربي يبيحك عند غلطة حرف تشناني

وانا اشيلك عن الصقطه الياشفت الورق محتوت= والظربك الربيع اللي تمايل فيه الاغصاني

خاتم سليمان

لوانك تعرف اللعب وتطبق صكة البيلوت = ماتقعد في محلك وانت وسط الداس خسراني

وانا والله لـويـدخلك برد ادخلك بالكوت = ومن قـدرك فلا ابـيعـك ولااشريك مجاني

المهم

طبيعي لازم امـهلك وتظهرهمك المكبوت= واخاف انك من اصحابي ولابس ثوب قوماني

وانا حشمك ياخاتم وفتهم قدام اشوتك شوت=ترى ليلك طويل وراس جن وبطن سرحاني

خاتم سليمان

وانا امهلك واحليبك وحالك مثل طعم التـوت = ويمكن يالمهم ان اكون انا وياك اخواني

ترى مااقشر من المربوط غير الجني المفلوت = ولـوترطـن بريطاني رطنا بالبريطاني

المهم

على شوف القطامي شد حيلك ياحمام اللوت = عليك الله واكـبر بين مخلابي وجنحاني

تجمع عفشك المنثور ولا فكرك المشتوت = غشاك الليل الاسود وانت من مغرب تحراني

خاتم سليمان

ترى بعض المعاني مثل سم في لذيذ الـقوت = وحـنا نعرف المجني عليه ابصمة الجاني

على الذمه لو يطول هذا الطاروق خطر تموت = واذا وقفت علمي ياصل القاصي مع الداني

المهم

عـفاك الله ياخـاتم تدرهـمها بـدون اسـبوت=بعد مابينت مـن بين صدقانك وصدقاني

ياشين الورع يبي شي مدري ويش يابسكوت=وانا عودن كبير ومبتلش بحلوق ورعاني

خاتم سليمان

سوالف ماتخالف والـعوارف يفرقون النوت = وياكبر المشكله لو في يدك خاتم سليماني

على قـول الـكلام الفاضي يفضل عليه سكوت = وياطيب الكلمه اللي كنها طلقه بنيشاني

الموضوع الأصلي: محاورة العمالقه خاتم سليمان والمهم | | الكاتب: بعيد الهقاوي | | المصدر: شبكة بني عبس

[خاتم سليمان]

ارررحب يابعيد الهقاوي ارررحب


والله لا يهينك على هذا التسيق الرائع والذوق الرفيع وبيض الله وجهك ياالغالي


وتسلم على الأطراء ولا عليك زوود


خاتم سليمان

[مندوب الاعلام]

صح الله السنة الشعراء

[ناصر الخياري]

لاهانم الشعاار صح لسانهم .

[اخو عبده]

ابيض وجه يا بعيد الهقاوي
لوني ماعرفك لاكن فعلك طيب

[مذكر الرشيدي]

بعيد الهقاوي جهود رائعه وتشكر عليها لا هنت بيض الله وجهك وصح السنتهم شعراء جزلين

[عبدالله العايد]

بيض الله وجيهكم ياعبس

[زراق الاشهب]

الله الله يالمهم سجل اعجابي وتقديري لك شاعر كبير والكبير الله اشهد بالله ان محد يقدرلك لويتجمعون عليك شعار المنتدى كلهم وانت تلاعبهم لحالك

على شوف القطامي شد حيلك ياحمام اللوت = عليك الله واكبر بين مخلابي وجنحاني

تجمع عفشك المنثور ولافكرك المشتوت = غشاك الليل الاسود وانت من مغرب تحراني لغم مادرى عنه خاتم خطير

عفاك الله ياخاتم تدرهمها بدون سبوت = بعد مابينت من بين صدقانك وصدقاني ولغم ثاني تفجر مادرى عنه خاتم سليمان اشهد بالله ان هذا اللغم اللي ماينشاف لو يليسون نظارات

ترى الصدمه مع الرفرف ماتكسر شي بالكبوت = عسى ربي يبيحك عند غلطة حرف تشناني اشهد بالله انك غير


المهم شاعر لو حصلي الشرف ولعبت معه لن انقص من قدره مثل مافعل خاتم وانما ساامدحه لانه اذا غضب على الشاعر لايمكن ان ينتصر عليه احد ابدا انت شاعر يالمهم ضلموك واي فتى ضلمو

والله اني لااعرف من خلف الاسم المستعار ولكني اتمنى ان اعرف من انت واتمنى ان ارى طواريقك مجددا

محبك : زراق الاشهب