[المر العذب]

الشهره اللي وراها الناس منجرفه=ماهوب اكبر طموحي مصافح ايديها

مانيب جاهل بها انكانها حرفه=اعرف مداخيلها واعرف خوافيها

اعرفك يادربها واقول ماعرفه=وان مر طاري لها صديت طاريها

الشعر لولا عيون الجادل الترفه=والله لانسى القصايد مع قوافيها

ضيقات صدري كثيره مالها صرفه=من كثرها ماعرفت شلون ابحكيها

اشياء منها تبات النفس منقرفه=ياكثر ماحطمت نفسي وامانيها

القدس راحت إناظرها من الشرفه=وابن اليهودي يدوّج في ضواحيها

وحنا العرب ساكتين اسكات معترفه=نشوف بالعين ارض القدس وش فيها

والدمعه اللي من المسكين منذرفه=ماحركت شي بالظالم معانيها

الجوع .. والبرد .. ومسكن يشبه الغرفه=تقتل احلام الفقاره .. قبل تحييها

والناس صارت بجرح الناس محترفه=يارب سترك من الدنيا وبلاويها

والحب تطعن بصدقه .. بنت منحرفه=من كثر ماكذبت .. تنسى اساميها

وبعض السوالف تغثك مابها طرفه=تدبل كبودٍ تدور من يسليها

مثل البشر بعضهم ماودك تعرفه=زودٍ على ضيقتك وجهه يطّريها

ثامر شبيب

الموضوع الأصلي: ساكتين اسكات معترفه | | الكاتب: المر العذب | | المصدر: شبكة بني عبس

[صاحب المعالي]

صح اللسان الشاعر المظلوم اعلاميا الدقباسي فحقيقة انه مظلوم بالامسيات والاعلام عامة

[سالم الرشيدي]

صح السأنه واعتــلا شانه
شأعر جزل بمعني الكلمه
تسلم المر العذب

[محمد الراشد]

ثامر نجم ساطع في سماء الشعر
لا اعلم ماذا ااقتبس منها
اخترت عشوائي لانها تنافس بعض بجمالها

الشعر لـولا عيـون الجـادل الترفـه

والله لانسـى القصايـد مـع قوافيـهـا

ضيقات صدري كثيـره مالهـا صرفـه

من كثرها ماعرفـت شلـون ابحكيهـا

[المشعل]

ابياااات رااائعه لشاعر ثامر شبيب

صح السانه

لاهنت المر العذب على النقل الجميل
تحياتي لك

[سعد محمد]

صح لسانه واعتلا شااانه .

[(( الماســـة ))]

روووووووووعه

رووووووعه

روووعه

لاهنت على النقل

[مروان الرشيدي]

جعل عمره طوووويل هالشآآآآعر



صح ألسانه ملايين



شكرآ ع النقل