[الاجهر]

غرتني الدنيا

غرتني الدنيا وانا اصبحـت مغـرور = وحطمت قلب اللي غمرنـي بطيبـه
اصبحت عايش خالي احساس وشعور = ماعـاد افهـم وش حبيـب وحبيبـه
غادي عن الدنيا لـي ايـام وشهـور = صارت حياتي فـي عيونـي غريبـه
ظلام لف الكـون ماعـاد بـه نـور = غربه خذت ثامر مـن ايـدي نهيبـه
بنيت بيني وبيـن نفسـي انـا سـور = ابعدت نفسي وهـذي اكبـر مصيبـه
ترى الذي مايسمع الـراي والشـور = كلمـه تـودي بـه وكلمـه تجيبـه
وانا غلطت وقلـت مانـي بمعـذور = ومن يعترف بالحق محدن يعيبـه !!!
وياصاح سامحني اذا جيت بقصـور = مثلك يسامـح لازعـل مـن قريبـه
لو منت غالي كـان مانـي بمجبـور= اجي و ادوّر عنك مـن بعـد غيبـه
اقسم بـرب البيـت ان لزمـن دور = واني بدونك عشـت حالـه صعيبـه
انام ضايق اصبـح الصبـح مقهـور = تخيّـل ان راسـي بـدا فيـه شيبـه
المسألـه ماهـي قصايـد وجمهـور= ولا هي بعد قصـة كرامـه وهيبـه
مسرور من هالناحيه حيـل مسـرور = مرتاح في وضعي كذا ومهتنـي بـه
ماهوب اكبر همي اصيـر مشهـور = كلن بياخذ مـن كتـب مـن نصيبـه
بس انت ارجع لي وانا اكون مشكور = واقلب يـدي وبوسهـا وابتـدي بـه
يومن معك مافيه شاعـر وجمهـور = مافيـه الا بـس حبيـب وحبيـبـه

الموضوع الأصلي: ثـــامـــر شــبــيــب الدغباسي | | الكاتب: الاجهر | | المصدر: شبكة بني عبس

[ناصر خنيفر]

الاجهر مشكور على النقل وصح السان ابن الشاعر الكبير شبيب الدغباسي

[عيسى المويسه]

صح السان الشاعر الرائع

ثامر الدقباسي


ولاهنت على النقل


لك تحيتي



..

[بندر الذيابي]

ماشالله علي هالشاعر


حقيقه مبدع بكل معاني هذه الكلمه


صح الله لسانه


لاهنت يالاجهر

[عبدالعزيز الخياري]

صح لسان الشاعر ثامر شبيب

ولاهنت على النقل الرائع

والحقيقه ثامر من الشعراء الكبار وقصائده جميله

وانا من أشد المعجبين بهذا الشاعر والله يوفقه

تقبل تحياتي

[الاجهر]

سعادة العمدة مرورك تاج على راسي
مشكور يابو تركي

[فهد المويسه]

صح لسان شاعرها مشكور على نقلها

وتقبل سلامي