[نايف ابن عليثه]

بسم الله الرحمن الرحيم

كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق

:

:

:

:

:
طبعاً اليوم كانت على طريق الإمام سعود بكرة يمكن في الشفا وبعده في خنشليه وبعده في العليا


المطلوب: خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة


من الايميل

الموضوع الأصلي: لشبـــآآآب الريــآآآآض ^ــ^ | | الكاتب: نايف ابن عليثه | | المصدر: شبكة بني عبس

[كاتب الرشيدي]

‏نايف ابن عليثه

لاهنت على النقل

ياهب يالي فاضي وتجسس على الحكومه ههههههههههه

[سعد محمد]

موضوع مكرر .. ^_^

جميل ما يفعلونه المرور السري لكي يحافضو على الرواح المسليمين وخاصه الشباب الطايش لهذا لايام عندما يراء ادار يهدء ويمشي بنظام وذا الم يتواجد لامن من المرور انحرف بسرعه هائله ونسالله العافيه وكل ما يا يبذلون للحفاظ على الارواح والممتلكات الناس .


مشكور أخي نايف ابن عليثة على النقل الجميل ولاهنت يا الغالي .



تحياتي لك ’’’

[مذكر الرشيدي]

مشكوووووور والله يعطيك الف عافيه

[المشتاق1]

والله هذي المشكله يانايف بس فيه جهاز يلقط لك الادار قبل واحد كيلو وحتي الكاميرات
ويباع بالرياض بس لازم معرفه والجهاز مصدره من دبي واشتر الجهاز وريح نفسك
ويبطون المرور وامن الطرق ان تمره وانت مسرع لان الجهاز يعطيك اشاره من بدري
ومشكور على النقل الرائع والله يعطيك العافيه

[نايف ابن عليثه]

اقتباس من مشاركة كــــاتــــب ‏نايف ابن عليثه لاهنت على النقل ياهب يالي فاضي وتجسس على الحكومه ههههههههههه

اي والله فآضين خخخخخخخخخخخ

ودي وآحترآمي لك ..

[سند الداموك]

والله مالومهم يانايف الناس تدهس بعضها من السسسرعه قواهم الله وياليت تطبق في جميع

المدن إذا كااااااانها حقيقه

لاهنت نااااااايف دائم مميز

تحياتي

[سعد عبدالله]

هههههه
الله يكفينا الشر
شكرا نايف