[وسام عبس]

ياللي بأساليب الخيانه تفننت
=
وش رجعك عقب الجفا والقطاعه؟؟

فارق عيوني وابعد ارجوك لاهنت
=
دامك تصنعت المشاعر صناعه

لعبت لعباتك بتمثيل واتقنت
=
وألفت كذباتك بفن وبراعه

وخليتني بالنار يومك تمكنت
=
وقعدت ادوّر في هواك الشفاعه

لآن الحجر من حالتي وانت مالنت
=
لأني اعطيتك غلا عن قناعه

غدرت بي واخلفت ضني بك وخنت
=
وخذيت حبي لك مجرد اشاعه

لاتقول ابرجع بالهوى مثل ماكنت
=
ضاع الهوى وانت السبب في ضياعه

يوم اني اسهر الليل وين انت
=
يوم اتحرى جيتك كل ساعه

ياللي مع الأيام ضدي تلونت
=
يامن تفنن في وسايل خداعه

بك من تواصيف الغدر لاتمسكنت
=
كنه اخوك من الصدر والرضاعه

يالمعدن اللي حكك الوقت بيّنت
=
بيّن صداك اللي خذيته بضاعه

ربتني الدنيا على يديك وايقنت
=
ان ماكل من يطمح طموح استطاعه

اليوم عقب اللي جرالي تمعنّت
=
والحر بعيونه يبين انطباعه

كانك مع العاذل وهمي تعاونت
=
عندي شهاده بالصبر والشجاعه

وان كانك اسلوب التحدي لي اعلنت
=
ابشر برجالٍ يشمٌر ذراعه

انا طبعي وبأطباعي آمنت
=
من عافنا يحرم علينا اتباعه

واللي معي صادق بعيني له اسكنت
=
عندي عن اسلوب الخيانه مناعه

تدري؟؟ مدامك للهوى اليوم ماصنت
=
اقولها بوجهك وكلّي قناعه

يلعن ابو رجلٍ يذله هوى بنت
=
إذا تخلى لأجلها عن طباعه

الموضوع الأصلي: يلعن ابو رجلٍ يذله هوى بنت <- - - ^_^ | | الكاتب: وسام عبس | | المصدر: شبكة بني عبس

[نوماس5]

صح لساااااااااااااااانك يسلموو علي النقل المميز وله هنت

[عادل بن هون]

شموخ دائما ايهاالمبدع

[The monsoon]

يعطيك العافيه على النقل المميز

[العنكبوت K]

يعطيك العاااااااااااافية

[الشاعر المجهول]

صح لسانك ومشكور

[مشاري بن كريّم]

وسام عبس


صح لساااانك


نص رائع وراقي


تقبل تحياتي وسجل اعجابي

[سعد محمد]

صح لسانك ومشكور...على النقل .