[(*العرعري*)]

السلام عليكم ورحمة الله وبركاته

صبحكم الله بالخير
مساكم الله بالخير

لوتكرمتوا اللي عنده المحاوره هذي سواء صوتيه أو فيديو
أرجوا ابلاغنا بذلك أو أبلاغنا بمكان هذي الحفله

محاورة بن مربح وثنيان الرشيدي

الموضوع الأصلي: مطلوب هذي المحاورة أيها الشعار والأعضاء بين بن مربح وثنيان الرشيدي وجاري البحث عنها | | الكاتب: (*العرعري*) | | المصدر: شبكة بني عبس

[العقاد]

مرحبا يالامير
المحاورة موجوده بالمنتدى على الرابط التالي بالقسم المنقول اما مكانها ووقتها لايوجد لدي علم
شكراً
http://bani-3abs.net/aa/showthread.php?t=30388

[(*العرعري*)]

هلا ومرحبا فيك يالعقاد
الرابط اللي عطيتني موشغال الرابط اللي موجود فيها وأظن انه نفس المقطع ذا اللي منزل
وانا ابي فلم الحفله كامله هههههه
وبيض الله وجهك وملاحظ أنك ماتدخل غير من بعد 2 بالليل هههههههههههههه

[(*العرعري*)]

ثنيان


نويت اقف على الميدان واسمي على الشعار @@@ وبصوت لبن مربح وبثور له جنونــــــــــــه


انا شاعر ومتعلم وانا تاجر من التـــــــــــجار @@@ ليامني لزمت القاف ماضيع درقــــــــــسونه


عيد


ابا اريح على الشاطي وبدور على المـــحار @@@ وبقرى سورة البقرة وجر ابليس بقرونــــــه


دخولك للبحر هين لكن البلشه المظــــــــهار @@@ حذفك الله على حوت يبا ياكلك بســـــــــنونه


ثنيان


تطير الطايرة يم السما في حكمة الطـــــــيار @@@ وبن مربح على شاطي البحر ويبحلق عيونه


نشب النار والبردان يقرب عند جنب الــــنار @@@ تقول الوضع ياصعبه واقول الوضع ياهونــه


عيد


تطير الطايرة ولا توقع ماعلي غبــــــــــــــار @@@ ابن مربح يطق أصبع ويسمع لحن دلعــــونه


تبا تسري على ضوالقمر وتكمل المــــشوار @@@ ياراع الموتر اللي حيث حرك عد طبلـــــــونه


ثنيان


ألا ياكبرها كبراه ياســــــــــــتار يــــاستــــار @@@ ابن مربح كبير ويصدم الضلعان بمتــــــــونه


ابا أذبح لك جمل واقول هذا طيب المـــــقدار @@@ وابو بطن صغير تشبعه جبنة وصمـــــــــونه


عيد


أنا زاير واشوف الحظ ويش يجيب للــزوار @@@ وانا زاير وعيني من ورى المسلم ومن دونه


ابا احرك لحون الحزن واريح شجون الدار @@@ وباكحل عيون ابليس لين تسود عيـــــــــــونه

هذا أقتباس من موضوع محمد حضرم


لكن أبي مكان الحفل ذا وأيضا نريدها بالصوت والفيديو لوماعليكم آآمر

[بعيدالمصابيح]

اشكرك كل الشكر على نقل ها المحاوره الجزله
من شاغرين كبار

مشرفنا العزيز

تحياتي لك

[أبو أرقبه]

هلااااااااا بالمشرف الغالي العرعري

المحاوره هذي موجوده في تسجيلات فن الخليج في مدينة الحليفه
شريط كاسيت
وكان بالحفل ( عيد ابن مربح وثنيان ورشيد ابن معدي وذيب الشمري )
وشكرا

[قسورة الغاب]

اهلين وسهيلن
يا العرعري والله الي اعرفه انها
في الكويت وكان فيها الردعان ورشيد
وذيب والعبدلي ورحمة المنحوووف ورحمة مجعد الشلاحي
وانا يامحاكيك لعبت طاروووق رد عليّه القهوجي
وهووشاعر من كبار الشعار
لاتقوول عيد ولا
ثنيان بس
مايلعب
الا لين تشوي نص وجهه النار قدام الدلال والبراريد هههههههههه

[(*العرعري*)]

اقتباس من مشاركة قسورة الغاب اهلين وسهيلن يا العرعري والله الي اعرفه انها في الكويت وكان فيها الردعان ورشيد وذيب والعبدلي ورحمة المنحوووف ورحمة مجعد الشلاحي وانا يامحاكيك لعبت طاروووق رد عليّه القهوجي وهووشاعر من كبار الشعار لاتقوول عيد ولا ثنيان بس مايلعب الا لين تشوي نص وجهه النار قدام الدلال والبراريد هههههههههه

هههههههههههه

هلابك والله ومرحبا فيك واشكرك على ردك