[قسورة الغاب]

السلام عليكم مساكم // صبحكم الله بالخير جميعا


الموووضوووع باختصار
من يستطيع المجاراه

عديت رجمن بعيدن ملاويحه = وعويت به عويت الذيب سرحاني
لعل همن بقلبي سواريحه = توارده كنها ذوود بدواني
ترعا بخايع بعثرانه وشيحه = وامن الكلا مايربع بالاوطاني
صدرن تزاحم ذوايد نوازيحه = وهمووم لا صرّم العوود ترعاني
وذبيت في راس مشراف لي صيحه = لعل همي ولو يوووم ينساني

الموضوع الأصلي: القسوره يتحدي شعراء النظم | | الكاتب: قسورة الغاب | | المصدر: شبكة بني عبس

[محمد الراشد]

يالقسوره مرحبا من غير تلميحه
نيابة عنهم اللـــــــــيله تحداني
ياشاعرن محد يحصى تباريحه
ماانت لحالك معك خاتم سليماني
شعارنا اوضعاها ماعادت منيحه
مع احترامي لقاصيهم مع الداني
بعض القصايد لها ياصاحبي ريحه
وفي اسم شاعر يخاشرني ويبلاني
لو تمشي بدرب واضح احذر الطيحه
وانته بشر شي عادي لازم تعاني

[قسورة الغاب]

بيض الله وجهك يامحمد الراشد
دايما سبّاق بالطيب
صح اللسانك
ولاهنت

[قسورة الغاب]

يالله منووو بعد يبي يدلي بدلوه

[محمد الراشد]

وجهك ابيض
وصح بدنك
والدور على اقرب شاعر يدخل

[برق الوسم]

اقتباس من مشاركة قسورة الغاب السلام عليكم مساكم // صبحكم الله بالخير جميعا الموووضوووع باختصار من يستطيع المجاراه عديت رجمن بعيدن ملاويحه = وعويت به عويت الذيب سرحاني لعل همن بقلبي سواريحه = توارده كنها ذوود بدواني ترعا بخايع بعثرانه وشيحه = وامن الكلا مايربع بالاوطاني صدرن تزاحم ذوايد نوازيحه = وهمووم لا صرّم العوود ترعاني وذبيت في راس مشراف لي صيحه = لعل همي ولو يوووم ينساني

وعليكم السلام ورحمة الله وبركاته
صبحك الله بالنور والسرور
استاذي القسوره صح الله لسانك وانت
مثل ماتعرف ماني شاعر لكن ابجاريك وتعلم من اخطائي
الله الله اسمع

يالقسوره ول ويح الشعر ويحه=ان كان ماجاك في كل ميداني
وصيحتك اذا كنت خايف من الطيحه=معذور لاشك ياذرب الايماني
واهمومنا كلبونا على الريحه=وصدورنا بآخر الوقت نيشاني
هلل وكبر وزدهن بتسبيحه=وحافظ على الدين في خمس الاركاني
وهذي نصيحه من البرق تلميحه=وادري انك ادرى بها ياكحيلاني

[ابن سعيد]

السلام عليكم

عندي تنويه

حسب معلوماتي أن

المجاراه تكون كالتالي :

تعرض القصيدة ويجاريها

الشاعر الآخر والشاعر الثالث

يحق له تغيير القاف

والوزن ثابت

وإذا رد الشاعر الأصلي

الذي عرض القصيدة للمجاراه

يحق له أيضاً تغيير القاف دون الوزن

والله الموفق

أما الأخ / محمد بن راشد

مجاراته جميله وموفقه

سجلوا اعجابي

[الله يجازيك]

القسوووره انت شاعر كبير بس هذ االطرق احس انه قديم
وانت تقووول جديد
وفيه بيتين لشاعر محمد بن شردوووق احس انه قريب من هذا الطرق يقووول
عديت انا الرجم الطويل المحدي == قالوا عسير وياولد منت وياه
قلت ابرقب المرقاب من ودي == والبارحه واليوم انا ذقت فرقاه

ولا انا الشعر النبطي اعذروني ولا المحاووره ابشروا