[رشيد]

يا متعب فكري وش اللي تسويه
راع الظروف ولا تزيد التياعي
.
كم قلت لك هذا كلامي وابنهيه
وكثر المعاند منك ما فيه داعي
.
اطيش من حبي وازيد المشاريه
شرهة غلا من دون زود اندفاعي
.
لاشفتني زعلان لا تقول لي ليه؟
لانك تعرف أسباب حتى ضياعي
.
وقت الزعل كنت انتظر منك لبيه
نظرة غلا يضوي وراها شعاعي
.
طايش.. مزاجي.. شخص صعبة مباديه
مجنون.. متهور.. ولاهو بواعي
.
هذي طباعي ما بقى شي اخفيه
وأنا اعتقد هالحين تعرف طباعي
.
حاولت اعدل حالتي (قلت ابرضيه)
لكن معي خابت جميع المساعي
.
ماكان بيدي حل من دون توجيه
ولو كان عندي حل ماجيت ساعي
.
اخاف اموت وتسأل الناس وشفيه
ومن بعدها للناس تكشف قناعي
.
عشرة عمر ماهو بيومٍ ونقضيه
لازم تحملني وتقبل صراعي
.
وإن كان قلبي ماعطا الحب ياهيه
قلي واركّب قلب غيره صناعي
.
وكان العمر وياي سم جرعتيه
جرعت انا وياك سم الأفاعي
.
.
.

اسم القصيده وقائلها :
" سم الأفاعي "
للشاعر // فارس الصميدان

الموضوع الأصلي: سم الأفاعي | | الكاتب: رشيد | | المصدر: شبكة بني عبس

[ابو رايد]

صح لسان الشاعر مشكور

[عبيد33]

صح السان شاعرها وتسلم ايمن ناقلها

تغبل مرووووووري

[وسام عبس]

سلمت يمينك على النقل الرائع

قصيده قبلت هام السماء بروعتها

[رشيد]

سلمتم احبتي ولا ندمتم
شاكر لكم المرور
صح لسان شاعرها ولا هنتم

[&سقرآط]

سلمت على نقلكـ