[دامي الحرف]

بسم الله الرحمن الرحيم

اضع
بين ايديكم هذه القصيده والتي كانت وليدة موقفاً ما

من علم الضحكه .. مباكير الأطفـال= ومن علم القصـه .. دروب النهايـه
ومن علم الخفاق .. سجـه ومـوال= ومن علم الكتّاب .. حبـك الروايـه
ياللي دريت .. أن الليالي على الجـال= وأن الستر للبنـت .. لبـس العبايـه
أبسألك .. كانـك فهيـمٍ بالأمثـال= وأن كان تفهم .. بالشعـر والوصايـه
وشلون نجهل .. تالي الوقـت رجـال= طالـت عليـه .. أيامهـا والشكايـه
رجلاً .. تولتـه المأسـي والأهـوال= وأضحى طريح السجن .. ظلم ونكايه
رجلٍ صميدع .. شفت فيه البخت مال= وأقفيت اباري .. ضيقته فـي حشايـه
والحين اشوفه .. مالقا ريف وأظـلال =من بعد .. ماتمـت فصـول الحكايـه
جيت أسأل العقال .. ليه الفـرح زال = وليه الكدر .. نجمه سطع فـي سمايـه
وليه الشعر .. يطغى ويمضي ويختـال= واللي مثل وضعـه .. نستـه البرايـه

دمتم
بخير وعافيه

الموضوع الأصلي: من علم الضحكه مباكير الأطفال +++ ومن علم القصه دروب النهايه | | الكاتب: دامي الحرف | | المصدر: شبكة بني عبس

[كاتب الرشيدي]

دامي الحرف

ابدعت

بحبك أجمل نص

سعدا بهذه الرائعة

وصح اللسانك

[دامي الحرف]

أخوي كاتب
بيض الله وجهك على هالمروور العذب والجميل
جعل ربي مايهينك ويبقيك

[سيف المهيمزي]

من علم الضحكه .. مباكير الأطفـال

ومن علم القصه .. دروب النهايـه

صح لسانك على هذه القصيده الجزله وبيضالله وجهك على هذا الابداع

[برق الوسم]

الله واكبر
صح لسانك يادامي الحرف لاهنت
قصيده رااائعه ...
تقبل تحياتي

[دامي الحرف]

اقتباس من مشاركة سيف المهيمزي من علم الضحكه .. مباكير الأطفـال ومن علم القصه .. دروب النهايـه صح لسانك على هذه القصيده الجزله وبيضالله وجهك على هذا الابداع

اخوي
سيف اشكر لك جمال مروورك وروعته
سلمك ربي وابقاك يالذيب وصح ابدانك يالغلا

[محمد الراشد]

الله عليك نص فاخر
لاتحرمنا ابداعك

[ناصر الخياري]

صح لسانك ...
رووعه ..