[فهد الوشيتان]

بسم الله الرحمن الرحيم

هذه القصيدة أنشئت في عام 1378هــــ .وق أرسلها شاعرنا /خلف بن معدي على الشاعر / جديع بن وشيتان يشكو له مما يجد من الصبابة والأسى ممايلاقيه من محبوبه .


خلف بن معدي :

البارحة مريـت والبيـت خالـي *** وذكرت من علق بقلبـي صوابـه
ياجديع مايجري لك اللي جرالـي *** قلبي عوى ياجديع ممالجـا بـه
ياونتي ونة من الغـوش جالـي *** مطلـوب دم ولالربعـه مهـابـة
يبي الفرار وحال دونـه رجالـي *** وحطوه في حبس العجم من عذابه
يبي الجواب وقالوا الهرج تالـي *** دولة كفر ماهي بدولـة صحابـة
على عشير وان مشى باعتدالـي *** يشكن منبـوز الردايـف ثيابـه
أشكي على اللي حامين كل تالـي *** ياجديع من دون الحبيّـب ذيابـة
وده يجينـي ميـر لالـه ولالـي *** مردود عـن دربـه ولارد جايـة

رد / جديع بن رشيد الوشيتان الرشيدي :







يامرحبا في خط ماضي الفعالـي *** هليت به وأقـول يامرحبـا بـه

ابن معدي بالرسالة حكـا لـي *** وذكر لي الموضوع بأوسط كتابه
عشيري اللـي مايـدور بدالـي *** وأنا على ماقـال فيمـا هقابـه
يشكي عليه حب زين الخيالـي *** الصاحب اللي فيه مكن صوابـه
وإن كانها بالحال أنا سقت حالي *** وإن كانها بالمال أسدد حسابـه
فلا خير في قـول بليـا فعالـي *** بعض الرجال الطيب ماينهقابـه
كم واحد ضخيم وأهله رجالـي *** وياتيه من بعض الخوال الخيابة
اصح تغرك هرجتـه بالمجالـي *** لياصار بين الربع ولهم ضبابـة

الموضوع الأصلي: مساجلة بين الشاعرين / خلف بن معدي وجديع بن ر شيد بن وشيتان الرشيدي | | الكاتب: فهد الوشيتان | | المصدر: شبكة بني عبس

[كاتب الرشيدي]

أولاً حياك الله

ولاهنت على نقل هذه المساجلة

[عدنان]

طرح رااااااااااائع

ومن اجمل ماااااااايكون

[ابوخالدالعوني]

يعطيك العافيه يابن شيتان ورحم الله ابونايف
ياليت اخي فهد لوتجمع قصيد والدك حسب علمي انه شاعر ولد شاعر,,,,,تحياتي لك ياولد العم
ابوخالدالعوني