[النمر1012]

ياليل سمراتي معـك مغـرمٍ فيـك
فضّلت أنا مسامرك عن لـذّة النـوم
أنـا خويّـن خوّتـه معـك يغليـك
من شان سرٍ بيننـا صـار مكتـوم
سرٍ حصل ياليل مـن بيـن أياديـك
ومن طيب ذاتك صار له بيت وهدوم
لو ماحفظته كـان خلـف الشبابيـك
مابين هم .. وحزن .. والثالث اللوم
لكن حفظته حفـظ والحفـظ تكتيـك
ومن زود حفظك مابقاله سوى ارسوم
ياكبر طيبك كيف !؟ وشلون أجازيك
وألا الجـزا علّـي ياليـل ملـزوم
قال أنت طيّب واضحٍ مـن مباديـك
وأنا ترى طيبي على عرف واسلـوم
رح وانشد وتلقـى ارجـالٍ تنبّيـك
ورح للنهار !! يعلمك بأمس واليـوم
تلقى الخبر مافيـه ريبـه وتشكيـك
هذي علومي .. مابقى عندي اعلـوم
قلت اعرف اللي فيك من قبل اناجيك
ياخلقـة المعبـود زيّنـت بنـجـوم
خذني خويّن معـك دايـم يخاويـك
في خوته يجزاك والامـر مرسـوم
يبقى على طول الدهر مـا يخلّيـك
هذا عهـد منّـي مرتـب ومنظـوم
قال اقلط .. اقلط جعل ربي يحييـك
بس انتبه من بيننا لا يجي .. سـوم
خلك معي واحذر من ابليس يغويـك
تـراه يدخـل لالقـى شـق وثلـوم
ونروح بالرحلـة ويفـرح معاديـك
وينـذاع سـرٍ بالمواثيـق محـزوم
قلت ابشربعزّك صدق من مسمّيـك
بأسم أبو ساتر ياعسى الستر لك دوم

خشمان نهار الرشيدي

الموضوع الأصلي: خلك معي واحذر من ابليس يغويـك | | الكاتب: النمر1012 | | المصدر: شبكة بني عبس

[نوماس5]

صح لسااااااااانك يسلموو علي النقل المميز

[وسام عبس]

قصيدهـ غــآآآآويه

وصح لسان قايلها ويعافي ناقلها

ولا تحرمنا من يديدكـ يالغلآآ ..

[النمر1012]

اللله يسلمكم ويعافيكم ولا خلا ولاعدم منكم ومشكورين علي المرورررررررر

[بنت قناص]

صح السااانك&

[سعد محمد]

صح لسانك على هذا لابيات الرائعه والجزله ...

ودمت بكل خير وعافيه ’’’

[النمر1012]

صح بدنكم والله يسلمكم وعافيكم ومشكورين علي المرورررررر العطر وبيض الله وجيكم