[سهم]

عبدالرحمن خضير
والايادبيسي بعد طشتك الاقدار=رمابك نصيبك بالسنين الاخيره
تحاول تروح يمين وتحاول يسار=ولاعاد باقي في حزامك ذخيره


فهد الدبيسي
ماطشتني الدنيا على خير وخيار=ولاشفتلي شعلة بشبة الجزيره
على شرهة العاشق مواضيع واسرار=ومضمونها كهرب وماس وظفيره

عبدالرحمن خضير
عليك الملامح بينت سر واجهار=وسويت رجه والدعاوي صغيره
على شرهة العاشق شواعير واشعار=وكل ن على عرفه يحكم ضميره

فهد الدبيسي
انا ويش اسوي فيك شرهاتك كبار=تحسب الكواكب كلها مستديره
براس السنه عيد النصارى على بار=هذا عيدهم بعد توفى بحيره

عبدالرحمن خضير
على قولة الامثال لاتقرب النار=ولايبخس الميزان حبة شعيره
لو ان الدبيسي عيد العيد بشهار=اخير اله من عيد الوجية الشريره

فهد الدبيسي
انا مسلم ومومن ومدفعك لو ثار=يطب الغزاله قبل ياصل سميره
اعيد مع الاسلام عن عيد الاشرار=لكن انت عبسي ماله الا بعيره

عبدالرحمن خضير
ياجار النصارى لاتدور على جار=ترى الجار الاول مايعوض بغيره
تبيها كذا والا كذا بن وبهار=لو السيف ماينقل بليا جفيره

فهد الدبيسي
لكن كيف تسري الليل وعيونك صغار=انا من جهينه والصحابه كثيره
عسى طير واحة مايوقع على القار=مادامه قديم من صقور شهيره

عبدالرحمن خضير
انا اسري مساري الذيب والا انت محتار=واعرف الامير المعتمد والاميره
وجيه الحسد تمنع عن الارض الامطار=وراع الغناه يعين ناس فقيره

فهد الدبيسي
ياسرحان لاتسري ترى ضلع سنجار=دروبه عسيره والمسافه عسيره
ترى اكبر حدث فوز النصر عبر الاقمار=كما اصغر حدث تموت طايرة وعيره

الموضوع الأصلي: محاورة الشاعرفهد الدبيسي و الشاعر عبدالرحمن خضير | | الكاتب: سهم | | المصدر: شبكة بني عبس

[المشعل]

سهم يعطيك العافيه

محاوره رائعه بين فهد الدبيسي وعبدالرحمن خضير

لاهنت ومشكور على النقل الرائع

تحياتي لك

[عابدالبراك]

محاورة رائعه من الوزن ثقيل حمعت شاعرين الهم الخبره الميدنيه
وشعراء معروفين على ساحة المحاورة شعريه

[بن قنور]

سلمك الله عالنقل محاورة فيها معنى وفيها قوة تركيب وفتل ونقض محاورة طيبه بمجملها

[.:.سعودي.:.]

يعيك العافيه

[مروض الصعب]

محاوره جميله
يعطيك العافيه على النقل

[(*العرعري*)]

صح ألسنت الشعار وبيض الله وجهك اخي العزيز

[ناصر الخياري]

لاهنت ياسم محاوره رائعه ...