[سعد محمد]

السلام عليكم مساء الخير/ صباح الخير.

قصيده اعجبتني وحبيت انقلها لكم..

ـــــــــــــــــــــــــــــــــــــــــــــــ

اذا المراجل لبسه شماغ وعقال
قل للعذاري يلبسن العمايم

ماعد يقرق زول حرمه ورجال
دام الفعايل تشبه البعض دايم

المرجله ماهيب كلمه وتنقال
وتروح ماراحت هبوب النسايم

وإلا خشونه صوت أو رفع الأثقال
أو رزة صدور وفعل الزلايم

ولاهي بعد مفتاح موتر وجوال
وإلا ردى لسانن حديثه شتايم

المرجله شيمه عن القيل والقال
رفيع نفس (ن) حر با لجو حايم

المرجله عقل وزنه جبال
ودون العقل وش فرقنا والبهايم

يامسندي لو مايل الوقت بي مال
ياولد أبويه ياعظيم العزايم

يامعرب الجدين من لعم ولخال
يا نخوة المفزوع وقت الهزايم

المرجله ياخوي هي طوله البال
هي العزم هي الصبر فا لظلايم

فيها الكرم عزه ودله وفنجال
فيها الكرامه عن ردي الطبع شايم

والدين لامنه خذ القلب منزال
مشى طريق الحق وابليس نايم

ومن لاعرف ربه في طيب الحال
لابد وقت الضيق بالهم هايم

حتى صلاتك مع جمعات ورجال
في خيرها يا خوي نعم الغنايم

ولامن نصف ليلك قم صفي البال
ياعظم أجرك بين ساجد وقايم

ولامن رفع ربي له كل الأعمال
حسن الذكر لاقالو فلان صايم

وخلك شريف القصد يا طيب الفال
سوء المقاصد فالبيوت الهدايم

واحذر تبيع النفس في دب لأنذال
وتبيع خوي إبليس راع النمايم

النفس خيل لك إذا كنت خيال
ومن لاقوى نفسه قوته الهزايم

ولاصرت مادري لويش أنت رجال
والله خسارة فيك ذبح التمايم
ــــــــــــــــــــــــــــــــــــــــــــــــــ ــــــــــــــــــــــــــــــــــ

ودمت بصحه وعافيه..

منقوله.

الموضوع الأصلي: اذا المراجل لبسة شماغ وعقال ـــ قل للعذاري يلبسن .....!!! | | الكاتب: سعد محمد | | المصدر: شبكة بني عبس

[صالح العمران]

مشكور اخوي

[نايف ابن عليثه]

المرجله شيمه عن القيل والقال رفيع نفس (ن) حر با لجو حايم المرجله عقل وزنه جبال ودون العقل وش فرقنا والبهايم

صح لسآن شآعرهآ ..

وسلمت يد نآقلهآ ..

[سعد محمد]

هلا اخوي صالح العمران.

اشكر لله ولاهنت على المرور.

[سعد محمد]

صح بدنك يا نايف ابن عليثه ونت سالم من كل شر .

ونورت الصفحه.

[ابن فجوان]

قصيدة وافيه
صح لسان شاعرها وسلمت يمين ناقلها

[The monsoon]

صح لسانك ولاهنت على النقل

[نايف بن شميلان]

تسلمــــــ اخــــــــــــــــــــــوي رائع دااااااااااااائمااااااااا


تقبل مرووووووووووووري وشككككككككككري ،،،،،