[عبيد الله دعيع]

حمداً الله على سلامتكم يابو خالد

أبيات بالعرضة السعودية ترحيباً بمقدم سيدي سلطان الخير

سيدي سلطان تو أنجلى ليل الظلام=مع رجوعك نوَّر الكون كلّه والبلد
يوم رب الكون عافاك من كل السقام=مرحبابك ياولي العهد وجه السعد
بأسم عبدالله.ونايف.وسلمان الحسام=مع جميع أخونهم مرحباً مالها عدد
ياسليل المجد ياللي تعليت السنام=كل شعب المملكة قال يامرحب بعد

القصيدة الأساسية

أستبشري يامملكتنا بسلطان

استبشري يامملكتنا بسلطان=يوم(ن)ربي رجعه بالسلامه
شافاه رب الكون من كل الأحزان=الحمد للمعبود منشي غمامه
سلطان سلطان الوفاء طير حوران=وجه السعد والخير والإبتسامه
ولي عهد المملكه ذرف الأيمان=اللي رقا للمجد بأعلى سنامه
نسل الملوك اللي لهم بالفخر شان=الكل منهم عالي(ن)في مقامه
سلطان مثل الغيث بالخير هتان=خيره وصل شرق وجنوب(ن)وشامه
الله يجزي سيدي خير الاحسان=راع الكرم والطيب راع الشهامه
ياسيدي ياللي لك الطيب عنوان=طيبك تعلَّى وأتعلى كل هامه
في شوفتك كلٍ معيّد وفرحان=فرحت رياض العز هي واليمامه
رحب ابو متعب.ونايف.وسلمان=في شوفتك كلٍ تهنّا منامه
والشعب رحب فيك من كل الأوطان=الكل منهم مرسل(ن)لك سلامه
يامرحباً ترحيب من قلب واللسان=يقوله الي صادقٍ في كلامه
نستقبلك بالورد من كل بستان=تعبير شعبٍ شوفتك هو غرامه
تمت وصلى الله على نسل عدنان=شفيعنا محمد نهار القيامه

تقبلو خاص التحية/عبيد الله بن دعيع الرشيدي

الموضوع الأصلي: استبشري يامملكتنا بسلطان | | الكاتب: عبيد الله دعيع | | المصدر: شبكة بني عبس

[هـآوي]

الله الله عليك بصرااحه مبدع وشااعر كبير

استمتعت بالقصيده ويستاهل سلطان الخير هالقصيده

ويعطيك الف الف عافيه

[بن هادي]

صح لسانك اخوي الشاعر عبيد الله بن دعيع

على القصيده الرائعه

بارك الله فيك

[مروان الرشيدي]

لله درك يابن دعيع


شاعر جزل


أبيات كالدرر


يستاهل سلطان



صح السانك


فالك التوفيق

[فهد القلادي]

صح السانك ياعبيد الله وانت دائماً مبدع ولاهنت
على هذه القصيدة الجزلة ويستاهل اميرنا المحبوب
سلطان الخير ,,,,,, وشكراً

[ذيبان الرشيدي]

صح الله الساانك
يالامير

تسطير رائع وجميل بجمالك وجزالتك

حمداً
لله على سلامة سلطان

وهنيئاً لنا
شعرك النبيل وشعورك الجميل

دمت
بخيراً وعافية

[عبيد الله دعيع]

اقتباس من مشاركة هـآوي الله الله عليك بصرااحه مبدع وشااعر كبير استمتعت بالقصيده ويستاهل سلطان الخير هالقصيده ويعطيك الف الف عافيه

هلا وغلا بالأخ الفاضل/هآآآآوي أسعدني حضورك المشرق
والإبداع والتميّز أنت تتربع على قمته طال عمرك
الله يعافيك ألف شكر على مرورك العطر تحياتي

[عبيد الله دعيع]

اقتباس من مشاركة بن هادي صح لسانك اخوي الشاعر عبيد الله بن دعيع على القصيده الرائعه بارك الله فيك

هلا وغلا بالأخ الفاضل/بن هااااادي أسعدني حضورك المشرق
صح بدنك يالغالي الله لايهينك ألف شكر على مرورك العطر تحياتي