[القنياوي]

اخواني خواتي
يسرني ويشرفني ان انقل لكم تغطية مناسبة الحميدي خليف الدحيلان الشمري
وهي تكريماً للأخ / جمعان عباس المشعلي الرشيدي
بعد تنازله عن صدم حادث ابنه
والقصة كاملة سبق وان وضعتها بالمنتدى وتحصلون عليها بهذا الرابط

http://bani-3abs.net/aa/showthread.php?t=71913

اقيم هذا اليوم الجمعة غداء حضره كثير من شيوخ واعيان القبيلة
وسوف اسجل لكم نبذة مختصرة عن احداث هذا اليوم
حضر جمعان عباس الرشيدي ومعاه عدت اشخاص من ابنا عمومته وتم استقبالهم بعد صلاة الجمعة
وبعد اكتمال الحضور تقدم الشاعر نهار سمير الدحيلان ورحب بالضيوف بأسم الجميع وطلب امام الجميع بأسم القني عامة اعطئهم فرصة لأقامة مناسبة كبيرة بهذه المناسبة وتكبير الوضع واقامة حفل تكريماً له ولكن للأسف رفض الاخ جمعان طول الله عمره وبيض الله وجهه على فعلته الجزلة
وبعد ذالك قدم الشيخ فهد حبيب الدحيلان نيبابة عن والده الشيخ / حبيب حجاب الدحيلان
هدية متواضعة وصفها على حد قوله وهي فرحة بسلامة الطفل (( ارض سكنية ))
وبعد ذالك الشاعر نهار الدحيلان بألقاء قصيدته الشعرية التالية
والذي اعتذر امام الجميع عن التقصير لانه كتبها بخلال وقت قصير جداً

سميت باسم مصور الانس والجان=المعتلي جالي نهاره بليله

اللي علم مادار في وسط الأذهان=رب البشر ارجيه ثم ألتجيله

ومن بعد ذكر المعتلي عالي الشان=جاشي تهيض والمثل مستويله
غنيت بالأمثال وأبديت قيفان=ووقفت بالموقف عن أسم القبيله
باسم الحميدي قلتها بوسط ديوان=الحميدي ابن خليف ومن ينتميله
شبلٍ كريم من روس جمع الدحيلان=يرحب بوجه الضيف واللي يجيله
وبديت بالترحيب والبال طربال=يامرحبا أعداد وبل المخيله
اقولها من قلب بقدوم جمعان=اللي كسب علم الفخر والنفيله
جمعان ابن عباس ياهو كحيلان=فعله ينومس كل من يعتزيله
تدرون وش سوى بجاره ذويبان=في ساعةٍ قشرى وشينٍ حصيله
جاره صدم أبنه من غير علمان=وماقدر الخالق لزومٍ يجليه
شالوه للأسعاف والكل بلشان=بالعمر مدرك وحالته يرثيله
ومن الطواري للعناية على شان=ينظر بوضعه كل جروحه مهيله
وساعة حضر جمعان والأبن تعبان=لو هو سكت بالقلب يزداد ويله
وفي لحظة الشدة تبين كحيلان=قام وتنازل والمواقف ثقيله
يقول جاري مايجي عند سجان=وماقدر الخالق جنينا حصيله
ما اختلف قلبه بروغات الأذهان=شجاع ودرب الطيب هذا دليله
يامقدر الجيرة ياعالي الشان=يالمشعلي والله فلاهي قليله
بسلامة أبنك نحمد الرب سبحان=ويالله جعل ايام عمره طويله
نرفع لك البيضاء باسم الدحيلان=واسم القني وايضاء باسم الغفيله
وباسم شمر نرفعه سر واعلان=ركيزته ترفع براس الرعليه
أفعولكم ياعبس تسجل بديوان=وأمجادكم بالطيب كلٍ دريله
ولاينكر المعروف ياكود كوبان=والا الكفو بالطيب يذكر عميله

اما الآن اترككم مع الصور لهذه المناسبة

ارجو المعذرة عن التقصير

الموضوع الأصلي: تكريم الشمري للرشيدي | | الكاتب: القنياوي | | المصدر: شبكة بني عبس

[القنياوي]

ارجو من المشرف اعادة تنسيق القصيدة الشعرية

اجل احترامي لكم يابني عبس

[نايف ابن عليثه]

كل الشكر لك..

على الصور المدعمه للقصه ..

ولآهنت ..

[عبد العزيز]

ماهي غريبة والله يجزاه كل خير

مشكور اخوي على الخبر

[سعد الرشيدي]

اشكرك على هالتغطية المشرفه

وصح اللسان شاعر القصيدة .

وبيض الله وجه المشعلي على الموقف المشرف

وحفظ حقوق الجار ..

والله يشفي لابنهم ويهنيهم بسلامته ..

[(ابوعواض)]

مااقصرت والله يبيض وجه جمعان

ولاهي غريبه عليه مجمل ربعه

اسئل الله لنا وله التوفيق والسداد

[مسندالعويمري]

حق الجآر على الجآر وصى عليه نبينآ صلى الله عليه وسلم
وماهو غريب الطيب من منبع الطيب
بيض الله وجهك ياجمـعـان عـبــاس مـشـعــل المـشـعـلــي الـرشـيــدي
دنيا واخره والله لايحرمك الاجر والثواب
ونحن من منبر شبكة عبس نقدم له الشكر والتقدير على موقفه النبيل
والشكر موصول للشيخ الحـميــدي خـليــف الدحـيلانـي القنيـاوي الشمــري
على الاحتفاء بجاره
وصح لسان الشاعر نهار الدحيلان
ونعم بالمادح والممدوح
والشكر موصول لك اخي القنياوي على النقل

[النـــمر]

قال تعالى 0 من عفى واصلح فاجره على الله0 جزاااااااه الله الف خير وبيض الله وجههههههه