[شاعر الوطن]

صميدع راس

تال الزمن طالت شبوح القوم=تطمح في الاول عن التالي

ناس تبا تارث عيال الروم=مدري حقيقة او يورالي

شاعر الوطن

ان كان بك هوجاس ولا علوم=عطنا علومك يا بعـد حالـي

المشكله في جيلنـا المنجـوم=عنده المراره تشبـه الحالـي

صميدع راس

رجل حمله سيف فيه ثلوم=ويصيح ياعمي وياخالي

جيل نشوفه مايعرف سلوم=يميع لاونس حامي الصالي

شاعر الوطن

عين الشقاوي ماهتنـت بالنـوم=ولا الدعاوي اعراض وطوالي

السوق ما يصلح لجاهل سـوم=يدخل ما يعرف روس الاموالي

صميدع راس

العبد مايهرب عن المقسوم=ياتيه لوه في جبل عالي

السوق فيه المسك هو والثوم=لكن كل واله منزالي

شاعر الوطن

الظالم الـي يظلـم المظلـوم=مارتاح دايـم يشغـل البالـي

ماني على بعض البشر ملزوم=بكره يبيـن بساحـه الرالـي

صميدع راس

الظلم راع الظلم ماله دوم=ترمي به الدنيا بالاهوالي

الظاهر انه حج قبل الصوم=اعزل نطح له سيف خيالي

شاعر الوطن

لاشك بأنه يا عرب محروم=أعطوه فرصه بالخلا الخالي

أقول كلن صار فارس قوم=وأيضا معه سبحه وجوالي

صميدع راس

معلوم ياشاعر وطن معلوم=بعض العرب ماعندها والي

هذا زمان فيه صار البوم=صقر له المرقاب مدهالي

شاعر الوطن

الشاعر الي ما يجيه اللـوم=لله دره وأحسـن أعمالـي

كلنا جماعه وننصر الزيزوم=ولا تصفق اليمنى بلا شمالي

الموضوع الأصلي: شاعر الوطن × صميدع راس | | الكاتب: شاعر الوطن | | المصدر: شبكة بني عبس

[ناصر الخياري]

تسلم تسلم رائعه ....

[شاعر الوطن]

شكرا للمرور ..

[صميدع راس]

لاهنت على التنسيق ياشاعر الوطن واللعب معك شرف طال عمرك