[النمر1012]

يا هاجسي حالي تردى من الشوق
و القلب لافه بالهوى الف لايف
حتى العيون اللي جداها على الموق
ما عاد تنفع بين جمع الولايف
وش حيلتي دام الهوى غالي النوق
في عين من كروة حياته شعايف
عند (ا) بدويٍ يسعده شوف زملوق
من بعد وبل المرزمات الردايف
و الا كما عشق الصقاقير لسبوق
اشقر وحش ما قد ضرى بالنكايف
طيرٍ على وكره و شبحه على فوق
متمردٍ طبعه و قنيه كلايف
من ذا عرفت اني من الحب مسروق
و قلبي ثمين و حمل قلبي خفايف
شله رقيقٍ راقي الطبع و الذوق
محسوب من ضمن البنات الرهايف
اللي عليها زين يزهى و انا اتوق
في وصف حالي ثغرها و الشفايف
ثم غرةٍ لو شافها تاجر السوق
خلا حلاله و التها بالوصايف
و اذا حكت ظنّي تسوق الحكي سوق
لان السوالف من طرفها طرايف
اعجوبة الخالق على شكل مخلوق
فيها ثمان اوصاف لو قلت شايف
الاوله تمشى على القاع برفوق
كنها ولية عرش قوم و طوايف
و الثانيه فيها من العقل صندوق
فيه الدرر من غاليات الصحايف
و الثالثه منها الحكي سرد موثوق
ما هو بحكيٍ كل ما فيه زايف
و الرابعه تثبت على سلم و حقوق
ما ضيّعت سلم العرب فالترايف
و الخامسه تعرف مدى كل مفهوق
لا من نحى باب الزمان و تسايف
و السادسه تاج الحيا فوقها طوق
يسمو بها من درب هون و سفايف
و السابعه ما كل مطرود ملحوق
يمكن بحسبتها تزيد الحسايف
و الثامنه ما عندها شي مغلوق
وضوحها .. شمس الظهر بالمصايف
في وصفها جاب العقل كل طاروق
و اروى بها كل النفوس العجايف
من منزلٍ بين المعاليق مطبوق
حَبّه و من حُبه عن الغيد عايف
لك هاجسي قلبٍ من الشوق محروق
دوّن معه قافٍ دموعه ذرايف
قافٍ قضى نظمه مع طلعة شروق
و جاب الفرايد من صهيل العسايف



ناصر السحيمي

الموضوع الأصلي: يا هاجسي حالي تردى من الشوق | | الكاتب: النمر1012 | | المصدر: شبكة بني عبس

[مرزوق العجوني]

صح لسااان شاعرها ولا هنت على نقلها لنا

[نوماس5]

يا هاجسي حالي تردى من الشوق
و القلب لافه بالهوى الف لايف



صح لساااااااااااااااااااااااااااانك يسلموو علي النقل الرائع

[النمر1012]

صح بدنكم والله يسلمكم وعافيكم ومشكورين علي المرورررررررررررررررررررررررر

[مذكر الرشيدي]

مشكوووووور والله يعطيك الف عافيه على النقل

وصح لسان الشاعر ناصر السحيمي

ثم غرةٍ لو شافها تاجر السوق
خلا حلاله و التها بالوصايف

[الرشـ بنت ـايده]

صح السان شاعرها ولا هان ناقلها ,’,’,

تسلم اخوي على هذه القصيدة الرائعة والابيات الاروع ,’,’,

[برق الوسم]

لك هاجسي قلبٍ من الشوق محروق دوّن معه قافٍ دموعه ذرايف قافٍ قضى نظمه مع طلعة شروق و جاب الفرايد من صهيل العسايف

صح لساانك ولسان شاعرها
لاهنت يااسد

[مرزوق العجوني]

صح لساااان شاعرها ولا هنت على نقلها لنا